ئەڤرۆ دێ تیروپشك بۆ زێدەتر ژ 40 هزار كارمه‌ندێن سه‌ر سندوقێن ده‌نگدانێ هێته کرن
ئەڤرۆ نیوز ، زنار تۆڤی:
وەسا بریاره ئەڤرۆ ئێکشه‌مبی 2 ئیلۆنێ، كۆمسیۆنا بلندا سه‌ربه‌خۆ یا هه‌لبژارتن و راپرسیێ ل هه‌رێمێ دێ تیروپشكێ بۆ زێدەتر ژ 40 هزار كارمه‌ندێن سه‌ر سندوقێن ده‌نگدانێ کەت و ئەڤ پرۆسە دێ ل به‌رچاڤێن نوونه‌رێن حزب و لایه‌ن و رێكخراوێن مه‌ده‌نی و نه‌ته‌وێن ئێکگرتی دێ هێتە ئه‌نجامدان.
شێروان زرار، پەیڤدارێ جڤاتا كۆمسیاران راگه‌یاندیە، کو ژلایێ لیژنا بلند یا دامه‌زراندنا كۆمسیۆنێ زۆربه‌یا كاران هاتینە تمامکرن و ئەڤرۆ ل دەمژمێر 10 بەری نیڤرۆ دێ تیروپیشك بۆ زێدەتر ژ 40 هزار كارمه‌ندێن سه‌ر سندوقێن ده‌نگدانێ هێته ئه‌نجامدان.
گۆت ژی، ژ پێخەمەت شه‌فافیه‌تا زێدەتر، دێ ئه‌نجامێ تیروپشكێ ل بەر‌چاڤێن نوونه‌رێن حزب و لایه‌نێن سیاسی یێن هه‌رێمێ و رێكخراوێن مه‌ده‌نی هێتە ئه‌نجامدان و مە داخواز ژ نه‌ته‌وێن ئیكگرتی كریه كو چاڤدێریا تیروپیشکێ بكه‌ن.
بۆ وه‌رگرتنا زێدەتر ژ 40 هزار كارمه‌ندێن سه‌ر سندوقێن ده‌نگدانێ، زێدەتر ژ 100 هزار كه‌سان ناڤێن خۆ بۆ چاڤدێریی ڤێ پرۆسێ تۆماركرینە.
