وه‌زيرێ دارايى به‌حسێ نه‌هێلانا پاشكه‌فتا مووچه‌ى دكه‌ت
ئه‌ڤرۆنيوز:
وه‌زيرێ دارايێ وئابوورى ل هه‌رێما كوردستانێ راگه‌هاند، كار ل سه‌ر وێ چه‌ندێ دكه‌ين ل سالا 2019پاشكه‌فتا مووچێ فه‌رمانبه‌رێن هه‌رێما كوردستانێ نه‌هێلين.
رێباز حه‌ملان، وه‌زيرێ دارايى وئابوورى ئه‌ڤرۆ ئێكشه‌مبى 2/9/2018 دداخۆيانيه‌كا رۆژنامه‌ڤانى دا گۆت”كارى ل سه‌ر زێده‌كرنا داهاتێن ناڤخوه‌يى وپه‌ترۆلێ دكه‌ين تاكو بشێين ل گه‌ل هاتنا سالا نوو پاشكه‌فتا مووچه‌ى نه‌هێلين”.
دياركر ژى” نوكه ئه‌م مژوولى به‌رهه‌ڤكرنا بودجا سالا 2019 يا هه‌رێما كوردستانێ نه”.
سه‌باره‌ت هنارتنا پاره‌ى ژ به‌غدا بۆ مووچێن فه‌رمانبه‌رێن هه‌رێما كوردستانێ، گۆت” به‌غدا سۆزا يا داى پارێ زێده‌تر بۆ هه‌رێما كوردستانێ ڤرێكه‌ت”.
