چه‌ندین جادە ل ناحیا شێلادزێ دهێنه چێكرن
ئەڤرۆ نیوز، ئێقبال عومەر:
به‌رده‌وامى دان ب پروژێن خزمه‌تگوزارى ژ بزاڤ و چالاكیێن باژێرڤانیا شێلادزێ كو چه‌ندین جادێن نافخو هاتنه قێركرن و كونكرێت كرن و ل ده‌مه‌ك نێزیك ئه‌ڤ پروژه دێ كه‌ڤنه د خزمه‌تا وه‌لاتیێن ده‌ڤه‌رێ دا و هه‌روه‌سا هند پروژێن دی ژى به‌رده‌ست كرینه.
سه‌روكێ باژێرڤانیێ دا خویاكرن كو جوتسایدێ دناڤبه‌را دێره‌لوك و شیلادزێ هاتیه زێده‌كرن دێ گه‌هیته جوت سایدێ شێلادزێ.
ئه‌ندازیار هه‌ژار محه‌مه‌د سه‌روكێ باژێرڤانیا ناحیا شێلادزێ یا سه‌ر ب قه‌زا ئامێدیێ ڤه بۆ ئه‌ڤرۆ نیوز دیاركر ، كو وان ده‌ست ب چێكرنا چه‌ندین جادێن نافخو ل سه‌نته‌رێ ناحیا شێلادزێ و ده‌ورو به‌ران كریه و نوكه چه‌ند پروژه ب دوماهى ئیناینه و چه‌ند ژى كار ل سه‌ر دهێته كرن د قوناغا دوماهیێ دانه و چه‌ندین پروژێن دیژى هه‌نه كو دێ د ده‌مه‌ك نێزیك كار ل سه‌ر هێته كرن .
ئه‌ندازیارى دڤى وارى دا دیاركرن: ْبه‌رده‌وامى دان ب پروژێن خزمه‌تگوزارى ژ بزاڤ و چالاكیێن باژێرڤانیا شێلادێ كو نها ل سنورێ ناحیا شێلادزێ ژ گوندێ كولان تاكو سه‌رێ جوتسایدێ دناڤا شێلادزێ دا هزا 950 مه‌ترجاده‌كا جوتسایدى و د قوناغا چارێ دا كار ل سه‌ر دهێته‌كرن كو ئه‌ڤ جادا دناڤبه‌را دێره‌لوك و شێلادزێ پێكڤه بهێته گرێدان, و ئه‌ڤ جادا جوتسایدى كومپانیا دارین ب ستوخوه‌ڤه‌گرتیه, و گوت: هه‌روه‌سا چه‌ندین جادێن نافخو هاتنه قێركرن و كونكرێت و تێكه‌ل و زفت كرن , و ئه‌ڤ پروژێن كار ل سه‌ر دهێته كرن و د قوناغا دوماهیێ دانه, پێك دهێن ب چێكرنا جادێن تاخێ گولان و سه‌رهه‌لدان كو جاده و كولانێن وان ب كونكرێتى دهێنه چێكرن ب درێژاهیا هزار و 216 مه‌تران, و ل تاخێ ملێ مه‌یدانێ و سه‌رهه‌لدان و گولان و ئازادى و كوره‌ژار و كه‌مپێ یا سه‌ر ب كومه‌لگه‌ها سیریێ ڤه ب درێژیا نێزیك دوو كیلومه‌تران جاده و كولانێن ڤان تاخان كار ل سه‌ر دهێته‌كرن و ب ڤه‌كرن و تێكه‌لكرن و زفت و كونكریتكرن نها دوارێ جێبه‌جێكرنێ دایه, و هه‌روه‌سا ل تاخێ گولان و ئازادى 307 مه‌تر جوكێن ڤه‌كرى ب كونكرێتى و هه‌روه‌سا ل تاخێ ملێ مه‌یدانێ و كوره‌ژار و ئازادى 150 مه‌ترێن بورى(قه‌سیسك)بو ئاڤرێژیا وان تاخان هاتنه دروستكرن, كو ئه‌ڤ هه‌مى پروژه ل سه‌ر سلفا هه‌یڤانه یه یا باژێرڤانیا شێلادزێ كار پێ دهێته‌كرن.
ناڤهاتى ئاماژه دا وێ چه‌ندێ ژى كو چه‌ندین جادێن دى یێن جوداجودا هاتینه دروستكرن ل سنورێ ناحیا شێلادزێ وه‌كو ڤه‌كرن و تێكهه‌لكرنا جادان و چێكرنا ئاڤرێژ جوكێن ڤه‌كرى ل دیف ده‌ستهه‌لاتا سه‌روكاتیا باژێرڤانیێ و گوت: د ده‌مه‌ك نێزیك دا و د قوناغا بهێت دێ ده‌ست ب چه‌ندین پروژێن دى ژى كه‌ین كو وان به‌رده‌ست كرینه و گوت: قێركرن و سه‌ب كرن و تێكه‌ل كرن یا چه‌ندین جادێن نافخو ل سنورێ ناحیا شێلادزێ كو پرانیا وان ژى ڤه‌كرنا جادانه ل ده‌مه‌ك نێزیك ده‌ست ب چێكرنا وان پروژان دێ هێته كرن.
