سيده‌كان دهێته‌ بۆردۆمانكرن

ئه‌ڤرۆ نيوز:

فرۆكێن شه‌رى يێن توركيا سپێده‌هيا ئه‌ڤرۆ ب نزمى ل سه‌ر ئه‌سمانێ ده‌ڤه‌را سيده‌كان گه‌ريان و ده‌ڤه‌رێن كه‌وره‌تى و چيايێ ديل و گه‌ليێ خواكورك و ده‌وربه‌رێن خه‌ليفان بۆردۆمانكرن.

ب گۆره‌يى ئه‌و كه‌سێن ئه‌ڤ بۆردۆمان ب چاڤێن خوه‌ ديتى ژ ئه‌گه‌رێ وێ بۆردۆمانێ چو زيان ب وه‌لاتيان نه‌كه‌فتينه‌، به‌لێ ئاگر ب پووش و په‌لاشێن ده‌ڤه‌رێ كه‌فتيه‌ و ترسه‌كا مه‌زن ژى ل ده‌ف خه‌لكێ ده‌ڤه‌رێ په‌يدا كريه‌.

ب گۆره‌يى ژێده‌رێن ئه‌ڤرۆ نيوز فرۆكێن توركيا ب به‌رده‌وام يێ ل سه‌ر ئه‌سمانێ ده‌ڤه‌رێ دگه‌رن.

ئه‌ڤ ساله‌ ژ ئه‌گه‌رێ شه‌رێ ناڤبه‌را له‌شكرێ توركيا و شه‌رڤانێن په‌كه‌كێ و به‌رده‌وامبوونا بۆردۆمانان كۆچبه‌ر و كاركه‌ر نه‌شێن ڤه‌گه‌رنه‌ ده‌ڤه‌رێن سنورى.

کۆمێنتا تە