رەنگە ئەمریکا ل سووریێ ھێرشی روسیا و ئیرانێ بکەت
ئەڤرۆ نيوز:
بەرپرسەکێ وەزارەتا بەرگیریێ یا ئەمریکا کو نەخواستیە ناڤێ خوە ئاشکرا بکەت بۆ رۆژناما وول ستریت جۆرنال یا ئەمریکی دیار کریە کو ئەمریکا ئێدی ل سووریێ خوە بنجەە کریە و دەستان ژ بەرژەوەندیێن خوە ل سووریێ بەرنادەت، ھەکە رژێما سووریێ ل ئدلبێ چەکێن کیمیاوی بکار بینیت و روسیا ژی ھێرشی دەڤەرێن دی بکەت رەنگە ئەمریکا ھێرشی ھێزێن روسیا و ئیرانێ ل سووریێ بکەت.
ھەمان بەرپرسێ ئەمریکی دیار کریە کو ئەو ناھێلن رژێما بەشار ب پشتەڤانیا روسیا و ئیرانێ جارەکا دی حوکمێ ل ھەموو سووریێ بکەت و دیار کریە کو دڤێت ھەموو پێکھاتێن ل سووریێ بگەھنە مافێن خوە و ئاشکرایە بەشار ئەسەد بوویە ئەگەرێ کوشتنا ب ھزاران وەلاتیێن سووریێ، ژ بەر ھندێ ژی ھەکە نھا نەبیت ژی دڤێت پاشی ھەر ژ دەستھەلاتێ بھێتە دوورخستن.
