ھشیار زێباری: پارتی بۆ خزمەتا کوردستانێ خەمساری نەکریە
ئەڤرۆ نیوز، نەوزاد ھلۆری:
ھوشیار زێباری ئەندامێ سەرکرداتیا پارتی دیموکراتی کوردستان د چارچوڤێ رونشتەکا ڤەکری دا ل ئامێدیێ دیارکر کو پارتی بو رێکئێخستنا ناڤ مالا کوردی چوو لسەر خوە نەھێلایە و بەردەوام د خەبات و قوربانیدانێ یە ، و ھەر بەربژارەکێ کو ژ ھەژیە داخوازێ ل خەلکی دکەین کو دەنگی بو بدەن.
زێباری د درێژاھیا ئاخفتنێن خودا گۆت: (بەرنامێ ھەموو بەربژارێن پارتی دیموکراتی کوردستان بەرنامەیێ لیستا پارتی یە و پێدڤی ناکەت لایەنگیرێن پارتی و خەلک ژی بەربژاران بێزار بکەن، و گرنگ ئەوە دەنگدەر لیستا پارتی و بەربژارەکێ دیار بکەت کو جھێ باوەریا وی بیت ژبەرکو ھندی دەنگێن پارتی بلند بن دێ بەرژەوەندیێن کوردستانێ باشتر بن، و کوردستانەکا بھێزتر درۆست بیت).
ناڤبری دیارکر ژی کو پێدڤی یە لایەنێن شولەژێ زێدەتر کار لسەر وێ یەکێ بکەن کو دەنگدەر ل دەما دەنگدانێ تووشی چوو کێشەیان نەبیت و گۆت ژی: (ھندەک ژ دەنگدەران ل دەما دەنگدانێ شارەزایی نینە و ژ ئەنجامێ شاش دەنگدانێ، دەنگێ وی دھێتە سوتن ژبەرڤێ گرنگە کو کومسیوون و لایەنێن شولەژێ زێدەتر وەلاتیان ھوشیار بکەن داکو دروست دەنگێ خوە بدەن و ھەموو کێشەیێن تەکنیکی چارەسەر بکەن).
