سه‌رۆكێ په‌رله‌مانێ عيراقێ: دڤێت مووچێ په‌رله‌مانتاران بهێته زێده‌كرن
ئه‌ڤرۆنيوز:
پشتى رۆژه‌كێ ژ وه‌رگرتنا پۆستێ سه‌رۆكێ په‌رله‌مانێ عيراقێ، محه‌مه‌د حه‌لبوسى دديداره‌كا ته‌له‌ڤزيۆنى دا راگه‌هاند، پێدڤيه مووچێ په‌رله‌مانتاران بهێته زێده‌كرن.
محه‌مه‌د حه‌لبوسى، سه‌رۆكێ نوو يێ په‌رله‌مانێ عيراقێ دديداره‌كێ دا ل گه‌ل كه‌نالێ العراقيه يێ حكومى گۆت” پێدڤيه پشته‌ڤانى ل په‌رله‌مانتاران بهێته كرن وژيانه‌كا خوه‌ش بۆ بهێته دابينكرن بۆ وێ چه‌ندێ ب شێوه‌كێ دروست بريار وقانوونان ده‌ربكه‌ن”.
ئاماژه كر ژى كو ئه‌و ده‌مێ ل خۆلا بۆرى په‌رمانتار بوو، مووچێ وى 7 مليۆن و400 هزار دينار بوون وپاشى بۆ پارێزگه‌رێ ئه‌نبار ومووچێ وى بوو 6 مليۆن دينار ئانكو هاته كێمكرن، ئايا ب كيمكرنا مليۆن ديناران كێشه‌ك چاره‌سه‌ر دبيت؟.
خوياكر ژى” من گرتى سوباهى په‌رله‌مانتاران گۆت مه مووچه نه‌ڤێـت، ئايا دێ كێشه چاره‌سه‌ر بن؟”.
