نێچیرڤان بارزانی پێشوازيێ ل برێت ماكگۆرك دكه‌ت
ئه‌ڤرۆنيوز:
سه‌رۆك وه‌زيرێن هه‌رێما كوردستانێ، نێچيرڤان بارزانى ئه‌ڤرۆ دوشه‌مبى 17/9/2018 پێشوازى ل هنارتيێ تايبه‌تێ سه‌رۆكێ ئه‌مريكى بۆ هه‌ڤپه‌يمانيا شه‌رێ دژى داعشێ برێت ماكگۆرك كر وشانده‌كێ دگه‌لدا كر.
شاندێ ئه‌مريكى به‌حسێ پرۆسا هه‌لبژارتنا سه‌رۆك وهه‌ردو جێگرێن سه‌رۆكێ په‌رله‌مانێ عيراقێ كر ودانوستاندنين هێزێن سياسى يێن عيراقى ژلايه‌كى، هه‌رێما كوردستانێ ل گه‌ل به‌غد ژلايه‌كى دى وهه‌لبژارتنێن په‌رله‌مانێ كوردستانێ كر، هه‌روه‌سا پشته‌ڤانيا خوه بۆ رۆلێ كاريگه‌رێ لايه‌نێ كوردى ل به‌غدا وپشكداريا وان يا ب هێز دپرۆسا سياسى وحوكمرانيا عيراقێ نيشان دا.
نێچيرڤان بارزانى ئاماژه ب بزاڤێن به‌رده‌وام يێن لايه‌نێن سياسى يێن كوردستانێ بۆ پشكداريه‌كا ب هێز دپرۆسا سياسى يا عيراقێ ودياركرنا پۆستان ل به‌غدا وپێكئينانا كابينا نوو يا حوكمه‌تا عيراقێ كر وئاشكراكر كو دانوستاندنێن دناڤبه‌را هێزێن سياسى يێن كوردستانى ب تايبه‌تى پارتى وئێكه‌تى بۆ دروستكرنا هه‌ڤده‌نگيه‌كێ ل سه‌ر هه‌موو پرۆسا سياسى ل به‌غدا يا به‌رده‌وامه، هه‌روه‌سا دووپاتكر كو بانگه‌شا پرۆسا هه‌لبژارتنين په‌رله‌مانێ كوردستانێ ب شێوه‌كێ ئارام ورێكوپێك بهێته ئه‌نجامدان.
