“پارتی دێ 42 کورسیکان ل پەرلەمانی بدەست ڤەئینيت”
ئەڤرۆ نيوز:
چاڤدێرەکێ سیاسی دیارکر کو ھەلبژارتنێن ڤێ ھەیڤێ یێن پەرلەمانێ کوردستانێ پارتی دێ 42 کورسیکان بدەست ڤە ئینت، چەند خەلکێ کوردستانێ ل کەتوارێ عیراقێ دگەھیت پتر سەنگا بۆ پارتی دروست دبیت و ئەو دەنگێن زێدە یێن پارتێن دی نە بۆ پارتی دێ زێدەبن کو خەلک گەھشتیە وی ئاستی کو بتنێ پارتی دشێت بەرەڤانیێ ژ کوردستانێ بکەت، پارتیەکا بھێز ئانکو کوردستانەکا بھێز.
بەیار سەفەر چیچو، چاڤدێرێ سیاسی بۆ رۆژناما ئەڤرۆ ئاشکراکر کو ھەلبژارتنێن 30 ئەیلولێ پارتی دیموکراتی کوردستان دێ 42 کورسیکێن پەرلەمانی ب دەست خوە ڤە ئینت، پارتی ھەکە یا بھێز بیت کوردستانەکا بھێزە و پارتی ھەکە جھەکی یا بھێزنەبیت ھەبوونا کوردان وی جھی یا لاوازە و نموونە یا دیارە چنکو کەرکووکێ دەست ھەلاتا پارتی تێدا نەبوو چارەنڤێسێ کوردان وێ پارێزگەھێ ئەوان دەڤەرا چ لێ ھات، چەند خەلک د کەتوارێ عیراقێ دگەھن پتر باواری بۆ لدەف پارتی دروست دبیت.
پارتی پارتەکە ژ کوری بۆ نەڤنی ئانکو دەمێ خەلک دبیتە پارتی پارتی یە ھەتا دمریت ژی پارتی یە، چەند خواندن ل سەر کوردستانێ و عیراقێ دھێ،ەکرن پتر بیروباوەر ب پارتی ڤە دھێنە گرێدان، چنکو پارتی سەرکێشا دوزا نەتەوەیی یە پارتی ریفراندوم ئەنجام دا، پارتی بەرگێری ژ ئاخا کوردستانێ کر ل پردێ و سحێلا و ھەیبەتا دوژمنێ کوردان شکاندن، پارتی شیا ل دەشتا مووسل شیا بەرسنگێ داعش و حەشدا شەعبی بگریت، سەرۆکێ پارتی شیا باوەریێ بۆ خەلکی دروست بکەت کو بەرھنگاری ھەموو جیھانێ بیت بۆ ئەنجامدانا ریفراندومێ، ھەکە پارتی بەری دو ھەیڤان ژ سەرجەمێ 11 کورسیکان 10 ئینابن ل پەرلەمانێ عیراقێ باوەرامن بۆ ڤێ قوناغێ 42 کورسیک گەلەک نابن.
بەیار سەفەر چیچو، چاڤدێرێ سیاسی ئەو ژی گۆت: دەنگدەرێن چار کورسیکێن زێدە بۆ پارتی ل ڤێ قوناغێ دێ ئەو کەس بن ئەوێن زانا و تێگەھشتی و و گەھشتینە وی ئاستی کو خیانەتا ل مللەتێ کورد دھێتەکرن و ئەو خەلکێ زانیت کو پرۆژێ دەولەت بوونێ یێ پارتی یە و چاکسازی ب ئیرادا پارتی و پارتی دھێتەکرن، خەلک گەھشتیە وی ئاستی ھەکە ڤێ قوناغێ پارتیەکا بھێز نەبیت کوردستانەکا بھێزنابیت و من باوەرە خەلکێ زانا و تێگەھشتی و بەھرا یا خەلکێ ئەڤان چار کوسیکان بۆ پارتی زێدە دکەن دێ خەلکێ لایەنێن دیێن سیاسی بن ئەو خەلکێ بێزار بوویی ژ پرۆپاکندە و گۆتنێن مەدیایێ دا دھێنە گۆتن.
ھەمان چاڤدێرێ سیاسی ئەو ژی گۆت: من باوەری نینە قوناغا داھاتی و پشتی ھەلبژارتنان پارتی حوکمەتەکا بنگەە فرەە دروست بکەت چنکو یا فاشلە، ھەکە قوناغا ڤەگوھاستنێ نەبا من باوەری ھەبوو گەل چەند کورسیکان پارتی شیان ھەبوون حوکمەتەکا ئێک حزبی ژی دروست بکەت، لێ کەتوار خوازیت ل گەل ئێکەتی نشتیمانی کوردستان پارتی حوکمەتێ دورتس بکەن و باوەریا من ئەوە ھەر دو دێ حوکمەتەکا بتنێ دروست کەن، ل گورەی پرۆژێ پارتی چارسالێن بھێن دێ چار سالێن خەشیا ژیارا خەلکێ کوردستانێ بن و دێ وەک سالێن 2012 خزمەت گوزاری و ئەنجامدانا پرۆژا دھێتە ئەنجامدان، دانا پێشینێن ئاڤاکرنێ و پێکئینانا خێزانێ و دروستکرنا موچێن فەرمانبەر و مامۆستان، بانگەواز پارتی بتنێ بۆ دەنگا نینە ھەکە پشتی ھەلبژارتنان حوکمەتا زورینە ھاتە پێکئینان و دوبارە پارتی دەست ھەلات وەرگرت، باوەرم دێ پارتی حوکمەتا بچووک پێک ئینت لێ دێ گەلەک یا بھێزبیت.
ھەمان چاڤدێرێ سیاسی گۆتژی: داخازێ ژ خەژێکەر و لایەنگر پارتی دکەم ھەکە بڤێت تەناھی و ئارامی و ئاڤەدانی ل کوردستانێ دروست بیت کەس و کار و ھەڤالێن خوە ببنە سەر سندوقێن دەنگدانێ و دەنگی بدەنە لیستا ھەژمارە(183) یا پارتی دیموکراتی کوردستان.
