سه‌رۆكێ كۆريا باكوور داخوازا ديداره‌كا دى يا سه‌رۆكێ ئه‌مريكا دكه‌ت
ئه‌ڤرۆ نيوز:
موون جاى ئين، سه‌رۆك كۆريا باشوور راگه‌هاند كو كيم جۆنگ ئۆنگ، سه‌رۆكێ كۆريا باكوور، بۆ ب له‌زخستنا پرۆسا دامالينا چه‌كێ ئه‌تۆمى، دڤێت جاره‌كا دى ل گه‌ل دۆنالد تره‌مپ، سه‌رۆكێ ئه‌مريكا، كۆم ببيت.
ب گۆره‌يى نووچه‌كێ ئاژانسا رويته‌رز، سه‌رۆكێن كۆريا باكوور و باشوور، د چارچۆڤێ ديدارا حه‌فتيا بۆرى دا، سێ رۆژان به‌حس ل نه‌هێلانا چه‌كێ ئه‌تۆمى و دووماهى ئينان ب پاشماوێن شه‌رێ ناڤخۆ يێ كۆريا باكوور كريه.
سه‌رۆك كۆريا باشوور د كۆنگره‌كێ رۆژنامه‌ڤانى دا و پشتى ديدارا كيم جۆنگ ئۆن، راگه‌هاند: “سه‌رۆك كيم حه‌زا خوه بۆ ته‌مامكرنا پرۆسا نه‌هێلانا چه‌كێ ئه‌تۆمى و گه‌شه‌پێدان ب ئابووريا وه‌لاتێ خوه ديار كريه”.
موون جايى ئين راگه‌هاند ژى كو ئه‌و هيڤى خوازه د پاشه‌رۆژه‌كا نێزيك دا ل گه‌ل سه‌رۆك تره‌مپ ديداره‌كا دى ئه‌نجام بده‌ت هه‌تا بشێت پرۆسا نه‌هێلانا چه‌كێ ئه‌تۆمى ب له‌ز ب دووماهى بينيت.
