كۆمسیۆنا هەرێمێ ژڤانێ ب دووماهی هاتنا بانگه‌شا هەلبژارتنان راگه‌هاند
ئەڤرۆ نیوز ، زنار تۆڤی:
كۆمسیۆنا بلند یا سەربەخۆیا هەلبژارتن و راپرسیێ ل هه‌رێما كوردستانێ ژڤانێ ب دووماهی هاتنا بانگه‌شا هه‌لبژارتنان و ده‌نگدانا تایبه‌ت و گشتی ل کوردستانێ راگه‌هاند.
هەروەسا كۆمسیۆنا هه‌رێما كوردستانێ راگەهاندیه، کو دهێته چاڤه‌رێ كرن ل دەمژمێر هەشتی سپێده‌هیا رۆژا 28 ئیلۆنێ بانگه‌شا هه‌لبژارتنێن په‌رله‌مانێ كوردستانێ ب دووماهی بهێت.
ئەو ژی گۆتیە، ده‌نگدانا تایبه‌ت ژی دێ ل هه‌مان رۆژ ده‌ست پێكه‌ت و ل ده‌مه‌كی ده‌نگدانا گشتی دێ ل دەمژمێر 8 سپێده‌هیا 30 ئیلۆنێ دەست پێکەت.
بانگه‌شا هه‌لبژارتنێن په‌رله‌مانێ كوردستانێ ل 11 ئیلۆنێ ده‌ستپێكریە، ڤێ جارێ 709 به‌ربژاران و دو هه‌ڤپه‌یمانی و هەشت كیانێن سیاسی دێ هه‌ڤركیێ ل سه‌ر 100 كورسیێن په‌رله‌مانێ كوردستانێ كه‌ن، هه‌روه‌سا 64 به‌ربژار دی ژ 19 كیانان بزاڤێ بۆ ب ده‌ستخستنا 11 كورسیێن كۆتایێ دكه‌ن.
