ڤيديۆ: ژماره‌كا چه‌كداران هێرش كره سه‌ر نمايشه‌كا له‌شكرى ل ئيرانێ
ئه‌ڤرۆ نيوز:
ب گۆره‌يى ميدايێن ئيرانى سپێده‌هيا ئه‌ڤرۆ د چارچۆڤێ رێكخستنا نمايشه‌كا له‌شكرى دا ب هه‌لكه‌فتا ده‌سپێكرنا شه‌رێ ناڤبه‌را ئيران و عيراقێ ل سالێن هه‌شتێيان ژ سه‌دێ بۆرى، چه‌ند چه‌كداران هێرش كره سه‌ر و ته‌قه لێكر و د ئه‌نجام دا 10 له‌شكر و رۆژنامه‌ڤانه‌ك هاتنه كوشتن و زێده‌ترى 30 كه‌سان بريندار بوون و هنده‌ك ژ برينداران د ره‌وشه‌كا خرابا ساخله‌ميێ دانه.
ئاماژه ب وێ چه‌ندێ ژى كريه كو هێزێن ئه‌منى يێن ئيرانى ته‌قه ل چار هێرشكه‌ران كريه و دو كوشتينه و دو ژى ده‌سته‌سه‌ركرينه.
ب گۆره‌يى نووچه‌كێ ئاژانسا ئێسنا، هێرشبه‌ران جلكێن له‌شكرى كرينه به‌ر خوه و د پشت سه‌كۆيا تايبه‌ت يا پێشكێشكرنا گۆتنێن به‌رپرسان بۆ ماوێ 10 ده‌قيقان ته‌قه كريه.
گرته‌يه‌كا ڤيديۆيى يا ده‌مێ ئه‌نجامدانا هێرشا چه‌كدارى بۆ سه‌ر نمايشا له‌شكرى ل پارێزگه‌ها ئه‌هواز يا ئيرانێ هاته به‌لاڤكرن و ئه‌ڤرۆ نيوز ژ دى ب ده‌ست خوه خستيه.
