جيرۆنا زنجيرا سه‌ركه‌فتنێن به‌رشه‌لونا راوه‌ستاند
ئه‌ڤرۆنيوز:
به‌رى ده‌مه‌كێ كێم ياريا به‌رشه‌لونا ل سه‌ر ياريگه‌ها خوه ل گه‌ل يانا جيرۆنا دچارچۆڤێ گه‌را پێنجێ ژ خۆلا ئيسپانى يا ته‌پا پێ، ب ئه‌نجامێ وه‌كهه‌ڤيێ 2-2 ب دووماهى هات وب ڤێ چه‌ندێ يانا جيرۆنا زنجيره سه‌ركه‌فتنێن به‌رشه‌لونا راوه‌ستاند پشتى ل هه‌ر چار گه‌رێن بۆرى سه‌ركه‌فتن تۆماركرى.
گۆلێن يانا به‌رشه‌لونا ژلايێ ياريكه‌ران ميسى وپێكێه ل خۆله‌كێن 19 و63 هاتنه تۆماركرن وگۆلێن يانا جيرۆنا ل خۆله‌كێن 45 و51 ژلايێ كريستيان ستوانى هاتن تۆماركرن.
يانا به‌رشلونا هه‌ر ژ خۆله‌كا 35 ب 10 ياريكه‌ران يارى دكر پشتى دادڤانێ ياريێ ياريكه‌رێ وێ كليمونت لينگلنت ب كارتا سور ده‌ركرى.
ب ڤى ئه‌نجامى يانا به‌رشه‌لونا ل رێزا ئێكێ ل سه‌رێ ليستا خۆلێ ب 13 خالان پاراست ويانا جيرۆنا گه‌هشته خالا 8 ول رێزا 6 دهێت.
