بەغدا دێ قەرەکی دەتە وەلاتیێن ھەرێمێ
ئەڤرۆ نيوز:
بەرپرسەکێ بەنکا ناڤەندی یا عیراقێ ئاشکرا کر کو بڕیارە بەغدا ب رێیا بانکێن ئەھلی قەرەکێ بچووک بدەتە وەلاتیێن ھەرێما کوردستانێ.
عابد سالح، رێڤەبەرێ گشتیێ بانکا ناڤەندی ل ھەرێما کوردستانێ دیار کر کو بڕیارە ئاسانکاری بۆ پێدانا قەران ب وەلاتیێن ھەرێما کوردستانێ بھێنەکرن و بۆ باسنیۆز گۆت: ”رەنگە بەنکا ناڤەندی یا عیراقێ قەرزێن بچووک ب رێیا بەنکێن ئەھلی بدەتە وەلاتیێن ھەرێما کوردستانێ و بۆ چەوانیا پێدانا قەران پاش دێ بڕیار و رێنما ھێنە دەرکرن”.
ناڤھاتی ئاماژە دا وێ چەندێ کو دەرفەتەکا باش ھەیە بۆ وێ چەندێ کو ئەو قەرێن ل پارێزگەھێن دی یێن عیراقێ ب وەلاتیان دھێنە دان ل ھەرێما کوردستانێ ژی بھێنەدان و گۆت: “نوکە مامەلێن بەنکی دناڤبەرا ھەولێر و بەغدا دا گەلەک بەر ب پێشڤەچووینە و مە ھیڤیێن مەزن ھەنە ئەو قەرێن ل بەغدا دھێنەدان ژ ھەرێما کوردستانێ ژی بگرن”.
