سوبه‌هى به‌لاڤكرنا مووچه‌يى دێ ده‌ستپێكه‌ت
ئه‌ڤرۆ نيوز:
ب گۆره‌يى پێزانينێن ل به‌ر ده‌ستێ ئه‌ڤرۆ نيوز، سوبه‌هى دێ ده‌ست ب مووچێ هه‌يڤا تيرمه‌هێ هێته كرن و وه‌زاره‌تا ئێكێ ژى مووچه‌يى وه‌ربگريت وه‌كو هه‌رجار دێ يا پێشمه‌رگه‌يى بيت.
هه‌ر ب گۆره‌يى ئه‌وان پێزانينێن ئه‌ڤرۆ نيوز ژ ناڤا وه‌زاره‌تا دارايى ب ده‌ست خوه خستى، سوبه‌هى رۆژا ئێكشه‌مبى 7ى چريا ئێكێ يا 2018، هه‌ر ئێك ژ يه‌كێن 70 و 80 يێن پێشمه‌رگێ كوردستانێ دێ مووچێ هه‌يڤا تيرمه‌هێ وه‌رگرن.
ژێده‌ره‌كى ژ ناڤا وه‌زاره‌تا پێشمه‌رگه ژى ئه‌ڤ چه‌نده بۆ ئه‌ڤرۆ نيوز دووپاتكريه و گۆت: “هه‌كه چو گوهۆڕينێن ژ نشكه‌كێ ڤه په‌يدا نه‌بن، بڕياره سوبه‌هى يه‌كێن 70 و 80 يێن وه‌زاره‌تا پێشمه‌رگه‌يى مووچێ هه‌يڤا تيرمه‌هێ وه‌ربگرن و دوشه‌مبيێ ژى ليوايێن وه‌زاره‌تا پێشمه‌رگه‌يى”.
ژێده‌رێ ژ ناڤا وه‌زاره‌تا دارايى و ئابوورى يا حوكمه‌تا كوردستانێ يێ كو ژ به‌ر رێنمايێن گرێدايى كارێ فه‌رمانبه‌ريێ و بڕيارا نوو يا ئاشكه‌رانه‌كرنا ژڤانێ به‌لاڤكرنا مووچه‌يى ناڤێ خوه ئاشكه‌را نه‌كرى، دا زانين ژى كو ل رۆژا سێشه‌مبى ژى دێ مووچێ وه‌زاره‌تا په‌روه‌ردێ هێته به‌لاڤكرن.
ب گۆره‌يى رێنمايێن نوو يێن وه‌زاره‌تا دارايى و ئابوورى يا حوكمه‌تا كوردستانێ ژڤانێ به‌لاڤكرنا مووچه‌يى ناهێته ئاشكه‌را كرن و هه‌ر 30 رۆژان جاره‌كێ فه‌رمانبه‌ر دێ مووچه‌يى بێ گيرۆبوون وه‌رگرن.
