سەرکردەیەکێ پارتی: پارتی ل داھاتی دێ زانیت چاوا سەرەدەریێ ل گەل ئێکەتیێ کەت
ئەڤرۆ نیۆز، قائید میرۆ:
پارتی دیموکراتی کوردستان راستی رەخنەیێن ئەندام و لایەنگرێن خوە بویە، ھەمبەر پەشێمانبوونا ئێکەتیێ ل پرسا پۆستَ سەرۆک کۆماری ئەندامەکێ جڤاتا سەرکردایەتیا پارتی ژی دبێژیت، بەیانناما مەکتەبا سیاسیا پارتی ھەلوێستی پارتی نەڤەشارتیە لدۆر پەشێمانبوونا ئێکەتیێ.
نووری حەمە عەلی، ئەندامێ جڤاتا سەرکردایەتیا پارتی بۆ ئەڤرۆ نیۆز دیارکر” پشتی روویدانا لێڤەبوونا ئێکەتیا نیشتیمانی د رێکەفتنا ڤەکێشانا دکتۆر بەرھەم سالح بۆ پۆستێ سەرۆک کۆمارێ عێراقێ ھەلویستێ پارتی دیموکراتی کوردستان یێ خویابو، مەکتەبا سیاسی بەیاننامەیەک بەلافکر و پارتی یا رژدە لسەر ھەلویستێ خوە ھەمبەر ئێکەتیێ.
چاڤدێرێن سیاسی و بەرپرسێن پارتی ئاماژە بڤێ چەندێ دکەن، کو ئیدی نابیت پارتی زێدەی قەبارێ ئێکەتیێ سەرەدەریێ دگەلدا بکەت و رێژا کۆرسیێن ئێکەتیێ چەندە وەک ھەموو لایەنێن پشکا خوە ھەبیت نەک زێدەتر نووری حەمە عەلی ئاشکراکر” ئەڤە بۆچوونا کەسێن ناڤا پارتی و ئەندام و لایەنگرێن پارتیە ھەمبەر ئەڤێ پێنگاڤا ئێکەتیێ، ل داھاتی دێ پارتی ستراتیژ و بڕیارا خوە ھەبیت دگەل ئێکەتیێ و ھەموو لایەنێن دی یێن کوردستانی.
