وه‌زاره‌تا په‌روه‌ردێ په‌يامه‌كێ ئاراسته‌ى مامۆستايان دكه‌ت
ئه‌ڤرۆنيوز:
وه‌زاره‌تا په‌روه‌ردێ ل هه‌رێما كوردستانێ ئه‌ڤرۆ شه‌مبيێ 6/10/2018 ب هه‌لكه‌فتا رۆژا جيهانى يا مامۆستايان راگه‌هاند، مامۆستا ميكانيزما گه‌شه‌كرنا هه‌ر جڤاكه‌كى نه،
وه‌زاره‌تا په‌روه‌ردێ دياركر”ل ڤان چه‌ند سالێن بۆرى دا، هه‌رێما كوردستانێ ب ره‌وشه‌كا ئابوورى يا گران دا ده‌رباز بوو وكاريگه‌ريا قه‌يرانا دارايى ل سه‌ر ته‌خا مامۆستايان ژ هه‌موو ته‌خێن دى يا زێده‌تر بوو، به‌لێ ب خوه‌شحالى ڤه وژبه‌ر به‌رپرسياره‌تيا ڤێ ته‌خێ به‌رامبه‌ر جڤاكى، نه‌هێلا ده‌رگه‌هێن قوتابخانان بهێنه داخستن وپرۆسا خواندنێ ب راوه‌ستيت، مامۆستايێن مه هه‌روه‌كو پێشمه‌رگان كو به‌رگرى ژ سنووران دكر ل به‌رامبه‌ر هێرشێن داعشێ، مامۆستايێن مه ژى ا ناڤخوه ب فێركرنێ نه‌هێلا هزرا نه‌مروڤايه‌تى يا وێ گرۆپێ هزرا تاكێ كورد داگير بكه‌ت”.
وه‌زاره‌تا په‌روه‌ردێ راگه‌هاند ژى” ب ئه‌ركێ خوه دزانين هاريكاروبه‌رگريكارێن مامۆستايان بين بۆ وێ چه‌ندێ ئاستێ وان يێ زانستى بلندتر بيت وبارێ گوزه‌رانيا وان باشتر بيت”.
