پارتى: ژ پۆستێ وه‌زيره‌كى زێده‌تر ب قوباد ته‌له‌بانى ناهێته دان
ئه‌ڤرۆ نيوز:
ئه‌ندامه‌كێ په‌رله‌مانێ كوردستانێ ژ فراكسيۆنا پارتى ديموكراتى كوردستان ئاشكه‌را كر كو قوباد ته‌له‌بانى هه‌تا نوكه جێگرێ سه‌رۆك وه‌زيرێن هه‌رێما كوردستانێ يه، به‌لێ ژبلى پۆستێ وه‌زير پۆستێن مه‌زنتر پێ ناهێنه دان.
نازم هه‌ركى، ئه‌ندامێ په‌رله‌مانێ كوردستانێ ل فراكسيۆنا پارتى بۆ باسنيوز راگه‌هاند ب گۆره‌يى وێ رێژا ده‌نگێن ئێكه‌تيێ د هه‌لبژارتنان دا ب ده‌ست خوه ڤه ئيناين، پۆستێ جێگرێ سه‌رۆكێ حوكمه‌تێ وه‌رناگريت، چونكو رێژه‌كا زۆر ب دووڤ پارتى دايه، چونكو ب رێژه‌كا زۆر ل پشت پارتيه، ب وێ چه‌ندێ ژى قوباد ته‌له‌بانى نابيته جێگرێ سه‌رۆكێ حوكمه‌تێ.
ته‌كست ژى ل سه‌ر وێ چه‌ندێ كر كو قوباد ته‌له‌بانى د كابينا نوو دا، ژبلى پۆستێ وه‌زير، چو پۆسته‌كێ بلندتر پێ ناهێته دان.
نازم هه‌ركى، وه‌سان دبينيت كو ئه‌وێن نها حوكمرانيێ ل ئێكه‌تيێ دكه‌ن و بڕيارێ ب ده‌ست ڤه دئينن، د ناڤ وان ژى دا قوباد ته‌له‌بانى، “هه‌موو د كێم ئه‌زموونن و ئه‌زموونا وان يا سياسى و ئيدارى ل ناڤ هه‌رێما كوردستانێ يا كێمه، ئه‌ڤه ب خوه ژى كێشه‌يه، ژ به‌ر هندێ ئێكه‌تى ژ هه‌موو لايان ڤه به‌ر ب ڤى كاودانان دا دچيت”.
د ماوێ چه‌ندێ رۆژێن بۆرى دا، به‌رپرسێن بلندێن پارتى ديموكراتى كوردستان ته‌كست ل سه‌ر وێ چه‌ندێ كريه كو ئێكه‌تى نشتيمانى كوردستان ب خوه رێيا كه‌مينه و زۆرينه هه‌لبژارتيه، ژ ئه‌گه‌رێ وێ چه‌ندێ ژى ب گۆره‌يى قه‌بارێ وێ ل ناڤ هه‌رێما كوردستانێ سه‌ره‌ده‌رى ل گه‌ل هێته كرن.
