دیندار دوسکی: حوکمەتا تەکنوقرات ل عیراقێ یا ب زحمەتە
ئه‌ڤرۆ نيوز:
سیاسەتمدارەکێ کورد دبێژیت، پێدڤیە کورد ڤێ جارەێ ب شێوەکێ پشکداریێ د حوکمەتا نوویا عیراقێ دا بکەن، کو شەرێکێن راستەقینەبن و ھەر بڕیارەکا بھێتە دان ب تەوافق بیت نەب تاک لایانە بھێتە وەرگرتن، ئەڤە ژی دڤێت کورد ئێک ھەلویست و ئێک دەنگ بن.
دیندار نەجمان دوسکی بۆ مالپەرێ پارتی دیموکراتی کوردستان گۆت: حوکمەتا عیراقێ ھەر جارەکا دھێتە دروستکرن تووشی کومەکا ئاریشان دبیت، ڤێ جارەێ ژی ب ھەمان رەنگ، بەلێ ھەر حوکمەتەکا بھێتە دروستکرن دڤێت ھەموو پێکھاتێن عیراقێ پشکداریێ تێدا بکەن، ئەو بەحس ھەیە کو دڤێت حوکمەتا نوویا عیراقێ ئەوکەسانێن تەکنوقرات دروست بکەن گەلەک یا بزحمەتە، چونکە ئەو کەس ھەموو د چارچوڤێ ئالیێن سیاسی دا دیار دبن ئەڤەژی نابیتە تەکنوقراتی، چونکی دڤێت فەرمانێن خوە ژوی ئالیێ سیاسی وەربگریت یێ پشتەڤانیا وی کری کو ببیتە بەرپرس دناڤا حوکمەتێ دا.
دیندار دوسکی گۆت: ھەر جارەکا کورد ل بەغدا ئێک دەنگ و ئێک بڕیار و ئێک ھەلویست بن، رولێ کوردان ل بەغدا دێ یێ گرنگ و کاریگەر بیت بۆ وەرگرتنا ھەر بڕیارەکا ل بەغدا بھێتە دان، ھەروەسا دووپاتکر، راستە حوکمەتا نوویا عیراقێ ھەرسێ پێکھاتێن عیراقێ دێ پشکداریێ تێدا کەن، بەلێ شیھە ھەموو بزاڤان دکەن کو پێگەھێن سەرەکی یێن عیراقێ و خالێن ھێزێ ب دەستخوڤە بینن و ددەستێن وانا دبیت، کو دڤێت ژبلی کوردان ژی سوننە ژی گڤاشتنا ل سەر شیعان بکەن.
