لژنا بلند يا بايۆمه‌تريا مووچه‌خۆران رۆهنكرنه‌كێ به‌لاڤ دكه‌ت
ئه‌ڤرۆنيوز:
لژنا بلند يا تۆمارا بايۆمه‌تريا مووچه‌خۆرێن هه‌رێما كوردستانێ درۆهنكرنه‌كێ دا ئه‌ڤرۆ ئێكشه‌مبى 14/10/2018 داخواز ژ مووچه‌خۆرێن كه‌سوكارێن شه‌هيدان وئه‌نفالكريان وزيندانيێن سياسى كر كو باركۆدێن خوه ب زووترين ده‌م بگه‌هينن رێڤه‌به‌ريێن ب سه‌ر وه‌زاره‌تا خوه، به‌رۆڤاژى مووچێن وان ل هه‌يڤا داهاتى دێ هێته راگرتن.
لژنا بلند يا تۆمارا بايۆمه‌ترىا مووچه‌خۆرێن هه‌رێما كوردستانێ درۆهنكرنه‌كێ دا هه‌موو كه‌سوكارێن شه‌هيدان وئه‌نفالكريان وزيندانيێن سياسى ئاگه‌هدار دكه‌ت كو به‌لاڤكرنا مووچێ هه‌يڤا داهاتى يا وان ته‌خان، كو دكه‌ڤيته هه‌يڤا 11 يا سالا 2018 دێ ل سه‌ر بنه‌مايێ بايۆمه‌ترى بيت.
هه‌روه‌سا داخواز ژ وان مووچه‌خۆرێن كه‌سوكارێن شه‌هيدان وئه‌نفالكريان وزيندانيێن سياسى دكه‌ت باركۆدێن خوه ب زووترين ده‌م بگه‌هينن رێڤه‌به‌ريێن ب سه‌ر وه‌زاره‌تا وان ڤه، به‌رۆڤاژى دێ مووچێن وان ل هه‌يڤا داهاتى هێنه راگرتن.