ئەڤرۆ نەفتا سپی ل سەر وەلاتیێن ناحیا کانی ماسێ هاتە دابەشکرن
ئه‌ڤرۆ نیوز، زنار تۆڤى:
ئەڤرۆ دوشەمبی 15.10.2018 نه‌فتا سپى ل سه‌ر وه‌لاتیێن ناحیا كانى ماسێ یا سه‌ر ب قه‌زا ئامێدیێ ڤه هاته دابه‌شكرن، هەروەسا ناحیا کانی ماسێ ژ 78 گوندان پێک دهێت و نوکە 51 گوند د ئاڤانە.
سه‌ربه‌ست سه‌برى ئاكره‌یى رێڤه‌به‌رێ ناحیا كانى ماسێ بۆ مالپه‌رێ ئه‌ڤرۆ نیوز دیاركر: كو ل ئەڤرۆ دوشەمبێ نه‌فتا سپى ل سه‌ر وه‌لاتیێن ناحیا كانى ماسێ هاته دابه‌شكرن، ئه‌ڤه ئێكه‌مین ناحییە ل سه‌ر ئاستێ پارێزگه‌ها دهۆكێ كو نه‌فتا سپى ل سه‌ر بهێته دابه‌شكرن، هه‌روه‌سا بهایێ هه‌ر به‌رمیله‌كێ نه‌فتێ 45 هزار دینارن و هه‌ر خێزانه‌ك دێ 200 لیترێن نه‌فتا سپى وه‌رگریت.
ناڤهاتى زێدەتر گۆت ژى: نوكه ل ناحیا كانى ماسێ 1532 سه‌رۆك خێزان دژین و ئه‌و خێزان هه‌موو دێ به‌هرا خوه یا نه‌فتا سپى ئەڤرۆ ل رۆژانێن دووڤدا وه‌رگرن، هه‌روه‌سا ژ ئه‌گه‌رێ سه‌قایێ كانى ماسێ یێ سار و به‌فر و بارانى ئەڤ دەڤەرە بوویه ئێكه‌م ناحیه كو نه‌فتا سپى لێ بهێته دابه‌شكرن، دیسا ئه‌ڤ چه‌نده هات ژ پێخه‌مه‌ت هندێ داکو دیاردا داربرینێ ل ڤێ ده‌ڤه‌رێ نه‌مینیت، له‌وما مه ب شێوەکێ ب له‌ز نه‌فت ل سەر وەلاتیان دابه‌شكر، ژ پێخه‌مه‌ت ئێدى زیان نه‌گه‌هیته ژینگه‌ها كانى ماسێ و خه‌لك داران نه‌برن.