نێچیرڤان بارزانی و سه‌رۆكێ‌ فره‌نسا پرۆسا سیاسی گه‌نگه‌شه‌ كر

نێچیرڤان بارزانی سه‌رۆك وه‌زیرێن هه‌رێما كوردستانێ‌ و ئیمانوێل ماكرۆن سه‌رۆكێ‌ فره‌نسا د په‌یوه‌ندیه‌كا ته‌له‌فۆنی دا پرۆسا سیاسی یا عیراقێ‌ گه‌نگه‌شه‌ كر.
د وێ‌ په‌یوه‌ندیا ته‌له‌فۆنی دا كو ئه‌ڤرۆ ئه‌نجامدابوو، هه‌ردو ئالیان به‌حسێ‌ دووماهی پێشهاتێن پرۆسا سیاسی یا عیراقێ‌ و دامه‌زراندنا حوكمه‌تا نوو یا عیراقێ‌ كر و سه‌رۆك ماكرۆن دوپاتی ل پێدڤیا پشكداریا هه‌موو ئالیێن عیراقێ‌ و ب تایبه‌تی ئالیێن كوردستانی د پرۆسا سیاسی و دامه‌زاراندنا حوكمه‌تا عیراقێ‌ دا كر.
ژ ئالیێ‌ خوه‌ ڤه‌، نێچیرڤان بارزانی سوپاسیا گرنگیدان و پشته‌ڤانیا به‌رده‌واما فره‌نسا و سه‌رۆك ماكرۆنی بۆ هه‌رێما كوردستانێ‌ و عیراقێ‌ كر و داكۆكی ل وێ‌ چه‌ندێ‌ كر كو هه‌رێما كوردستانێ‌ د پرۆسا سیاسی و دامه‌زراندنا حوكمه‌تا نوو یا عیراقێ‌ دا دێ‌ پشكدار بیت و هیڤی خواست كو په‌یوه‌ندیێن فره‌نسا ل گه‌ل عیراق و هه‌رێما كوردستانێ‌ د هه‌موو واران دا دبه‌رده‌وام بن.
هه‌روه‌سا نێچیرڤان بارزانی سوپاسیا سه‌رۆك ماكرۆن كر كو پشتی روودانێن ئۆكتۆبه‌را سالا بۆری رۆله‌كێ‌ مه‌زن د ئارامكرنا ره‌وشێ‌ دا و ده‌ستپێكرنا دیالۆگێ‌ د ناڤبه‌را هه‌ولێر و به‌غدا دا بۆ چاره‌كرنا كێشان و شكاندنا دوورپێچان ل سه‌ر هه‌رێما كوردستانێ‌ گێڕا بوو.

کۆمێنتا تە