شرۆڤەکارەک: وەزارەتێن سیادی دێ ب وەکالەت دێ ھێنە رێڤەبرن
ئەڤرۆ نیۆز، قائید میرۆ:
شرۆڤەکارەکێ سیاسی ئاماژە بڤێ چەندێ دکەت، حوکمەتا عادل عەبدولمەھدی ژی دێ ھەروەک حوکمەتێن بەرێ بیت و دبێژیت، دەستپێکێ دێ وەزارەتێن سیادی ب وەکالەت ھێنە رێڤەبرن و نەشێت وەزیران دیارکەت.
دکتۆر مەدحەت سلێمان، شرۆڤەکارێ سیاسی بۆ ئەڤرۆ نیۆز دیارکر” کابینا عادل عەبدولمەھدی یا سەرکەفتی نابیت، ژبەرکو ھەتا نوکە نەشیایە وەکی ھاتیە راگەھاندن کابینا خوە تەمام بکەت، دەستپێکێ پڕۆپاگندەیا ڤێ چەندێ دکر، کو دێ ب سیڤی بەربژێران بۆ پۆستێن وەزارەتا دیار کەت، بەلێ دوماھیێ ھەر ڤەگەڕیا بۆ لایەنێن سیاسی.
دکتۆر مەدحەت سلێمان ئاشکراکر” دیارە عادل عەبدومەھدی ژی مینا مالکی و عەبادی دخوازیت دەستپێکێ تنێ وەزارەتێن خزمەتگوزاری بھێنە دیارکرن و یێن سیادی دێ مینن و لەوانەیە ئەو بخوە ب وەکالت رێڤەببەت، ئەڤەژی ئەزموونەکا شکست خواریە، چونکە کابینێن بەرێ ژی بھەمانشێوە کەس نەشیا پۆستێن وەزارەتێن سیادی تژی بکەت.