دهۆكيه‌ك دێ بيته وه‌زير دحوكمه‌تا عيراقێ دا
ئه‌ڤرۆنيوز:
ژێده‌ره‌كى نێزيك ژ فراكسيۆنا پارتى ديموكراتى كوردستان ل په‌رله‌مانێ عيراقێ بۆ ئه‌ڤرۆنيوز دياركر كو پارتى دێ سێ پۆستێن وه‌زارى ل به‌غدا وه‌رگريت ژبه‌ركو حزبا ئێكێ يه ل عيراقێ ژ روويێ ده‌نگ وكورسيان ڤه دهه‌لبژارتنێن په‌رله‌مانێ عيراقێ دا.
وى ژێده‌رى گۆت ژى” وه‌زاره‌تێن دارايى وئاكنجيكرنێ وباژێرڤانيان دێ بۆ پارتى ديموكراتى كوردستان بن”.
دياركر” به‌ربژارێن پارتى بۆ پۆستێن وه‌زارى ل به‌غدا هه‌ر ئێك ژدكتۆر فوئاد حسێن بۆ پۆستێ وه‌زيرێ دارايى وبه‌نگين رێكانى بۆ پۆستێ وه‌زاره‌تا ئاڤه‌دانكرن وئاكنجيكرنێ كو به‌رى نوكه ژى بۆ ده‌مێ چه‌ندين سالان به‌نگين رێكانى بريكارێ وه‌زاره‌تا ڤه‌گۆهاستنێ بوو ل عيراقێ، ديسا نه‌وزاد هادى پارێزگه‌ري نوكه يێ هه‌ولێرێ ده‌خيل بۆ پۆستێ وه‌زيرێ باژێرڤانيان”.