په‌رله‌مانتاره‌ك:قانوونا چاكسازيێ دێ دووماهيێ ب دانا 48 مليۆن ديناران ب په‌رله‌مانتاران ئينيت
ئه‌ڤرۆنيوز:
ئه‌ندامه‌كێ خۆلا نوو يا په‌رله‌مانێ كوردستانێ ژ فراكسيۆنا پارتى ديموكراتى كوردستان راگه‌هاند، په‌سه‌ندكرنا پرۆژه قانوونا چاكسازيێ دمووچه‌ى وخانه‌نشينيێ دا، دێ دووماهيێ ب وێ چه‌ندێ ئينيت كو ل به‌رامبه‌ر چو تشته‌كى نه 48 مليۆن دينار ب په‌رله‌مانتاران بهێنه دان.
پێشه‌وا هه‌ورامى، په‌رله‌مانتارێ پارتى دخۆلا نوو يا په‌رله‌مانێ كوردستانێ دا دبه‌رپه‌رێ خوه يێ فه‌يسبووكى دا به‌لاڤكر” دێ هه‌موو بزاڤان كه‌ين ئه‌ڤ پرۆژه قانوونه بهێته ده‌ربازكرن، ئه‌ز دێ پشته‌ڤان بم بۆ ڤى كارى هه‌رچه‌نده كاره‌كێ ب كۆم پێ دڤێت وب تنێ ب كه‌سه‌كى ودو كه‌سان ناهێته كرن”.
گۆت ژى” دڤێت فراكسيۆنا پارتى دڤێ خۆلا په‌رله‌مانى دا ڤى كارى تمام بكه‌ت كو ل خۆلا چارێ هنده‌ك لايه‌نان نه‌هێلا بهێته كرن”.
هه‌ورامى گۆت ژى” هه‌كه ئه‌ڤ كاره بهێته كرن، دێ پاره‌كێ مه‌زن بۆ داهاتيێ گشتى زڤريت، ب جۆره‌كى دێ كاريگه‌رى ل گوهۆرينان دمووچێ هه‌موو ته‌خ وچينان هه‌بيت”.