داعش خوە بۆ شەرەکێ مەزن بەرھەڤ دکەت
ئەڤرۆ نيوز:
ناڤەندا بوزفید یا ڤەکۆلینان ل ئەمریکا د راپۆرتەکێ دا دیار کریە کو ئاریشێن ناڤخوەیی یێن ل عیراقێ و رەوشا خراب یا ژیانا وەلاتیان ل چەندین وەلاتێن دی یێن عەرەبی زەمینە بۆ ھندێ دروست کریە کو رێکخراوا تیرۆرستی یا داعشێ جارەکا دی خوە بھێز کەت و د ناڤا سێ مەھان دا داعشێ شیایە ل عیراقێ پتر ژ ٢٠٠ جاران ھێرشی ھێزێن عیراقی بکەت، ئەو یەک ژی نیشا ددەت کو داعش یا بھێز دکەڤیت و بەرھەڤیان بۆ شەری دکەت.
د بەردەوامیا راپۆرتێ دا ئەو یەک ھاتیە دیار کرن کو داعشێ ب سەدان چەکدار و پارەکێ باش ل بەر دەستان ھەیە و دشێت مفایی ژ ناکۆکیێن ل وەلاتێن رۆژھەلاتا ناڤین وەربگریت و دەست ب شەرەکێ دی یێ مەزن ل دەڤەرێ بکەت.