کچەکا سێمێلی دێ پشکداری ماراسۆنا بەیروت بیت
ئەڤرۆ نيوز:
چاڤەرێ یە کچا یانا سێمێلێ یا وەرزشی و یاریزانا تیما یاریێن گورەپانێ ئامال خدر پشکداری ماراسۆنا بەیروت یا دەولەتی بیت ئەوا دێ ل حەفتیا بھێت ب پشکداریا زێدەتر 70 وەلاتێن جیھانێ بۆ بەریکانێن جودا ھێتە ئەنجامدان.
ل دۆر ڤێ چەندێ خدر محەمەد راھێنەر و سەرۆک شاندێ یانا سێمێلێ بۆ رۆژناما ئەڤرۆ گۆت: کچا باژێرێ سێمێلێ ئامال خدر وەکو نوونەرا پارێزگەھا دھۆکێ دێ پشکداری ماراسۆنا سالانە یا نیڤدەولەتی بیت ئەوا ژلایێ ئێکەتیا لوبنانی و ب ھەڤکاری دگەل یا جیھانێ بۆ یاریێن گورەپانێ دھێتە ئەنجامدان و گۆت: یانا سێمێلێ وەکو تاکە یانا پارێزگەھێ سالانە پشکداری ماراسۆنا نیڤدەولەتی ل وەلاتێ لوبنانێ دبیت و مەرەما سەرەکی ژی بەردەوامی دانە ب ھەبوونا پشکداریا یاریزانێن کورد دناڤ چالاکیێ دا و بلندکرنا ئالایێ کوردستانێ ل پێشچاڤێن زێدەتر 70 وەلاتێن جیھانێ.
ھەروەسا ناڤھاتی نە ڤەشارت کو ب پشتەڤانیا سەرۆکێ یانێ شیاینە بۆ وەرزێ ئەڤ سالە ژی پشکداری ھەڤرکیا بن، سەرباری لاوازیا دارایی لێ درژدین و ب ھیڤی نە کچا ئێکانە بیشێت ئەنجامەکێ باش نیشان بدەت پشتی بەرھەڤیێن باش کرین بۆ ھەڤرکیێ لسەر رێزێن پێشیێ.
