هنگڤينێ دهۆكێ يێ ل دوبه‌ى
ئەڤرۆ نیوز، سالار دۆسکی:
سەرۆکێ کومەلا ھەنگەڤانێن کوردستانێ ئاشکرا کر کو ماوێ دو رۆژە پیشانگەھا دوبەی یا نێڤدەولەتی بۆ تشتێ سروشتی ھاتیە ڤەکرن و دێ سێ رۆژان یا بەردەوام بیت، وەک نوونەرێن ھەرێما کوردستانێ پشکداری پیشانگەھەکێ بووینە ب ھنگڤینێ کوردستانێ و چەندین خوارنێن سروشتی.
عارف شێروانی، سەرۆکێ کومەلا ھەنگەڤانێن کوردستانێ زێدەتر بۆ ئەڤرۆ نیۆز ئاشکرا کر کو وەزارەتا چاندنێ ل حوکمەتا ھەرێما کوردستانێ پشکداری پیشانگەھا دوبەی بوویە، ب ھەر تشتەکێ خومالیێ ئانکو سروشتیێ کوردستانێ بیت پشکداربوویە تێدا.
عارف ئەو ژی ئاشکرا کر کو پیشانگەهـ یا نێڤدەولەتی یە بۆ ھەموو تشتێ سروشتی و ل سەرانسەری جیھانا عەرەبی وەلاتان پشکداری تێدا ھەیە، ئەڤە ژی ب وێ مەرەمێ پەیوەندیێن ئابووری د ناڤبەرا ھەموو وەلاتان دا بھێنە خورتکرن.
ئەو ژی دیارکر کو ھەموو وەلاتێن عەرەبی ب چاڤەکێ مەزن تەماشەی کەلوپەلێن ھەرێمێ دکەن، “وەک نەتەوا کوردی سەردەری ل گەل مە ھێتەکرن”.