پێشانگەھا دھۆک یا پرتووکان یا شەشێ ل دھۆکێ دێ ھێتە ڤەکرن
ئەڤرۆ نیوز، رێوار مزیری:
ل ژێر چاڤدێریا (فەرھاد ئەمین ئەترووشی) پارێزگارێ دھۆکێ رێڤەبەریا راگەھاندن و چاپ و بەلاڤکرنێ ل دھۆکێ دێ پێشانگەھا دھۆک یا پرتووکان یا شەشێ ل رۆژێن ٤ ھەتا ١٠/١٢/٢٠١٨ێ ل دەمژمێر ٩:٠٠ سپێدێ ھەتا ٦:٠٠ ئێڤاری ل ھۆلا کۆنفرانسان ل زانکۆیا دھۆک ڤەکەت.
بورھان یەحیا، پەیڤدارێ رێڤەبەریا راگەھاندن و چاپ و بەلاڤکرنێ ل دھۆکێ بۆ ئەڤرۆ نیوز دیار کر کو پتری ٢٥ دەزگەھێن چاپ و بەلاڤکرنێ و پرتووکخانە ژ پارێزگەھێن دھۆک و ھەولێرێ و چەندین دەزگەە پرتووکخانێن ئەھلی دێ پشکداریێ د ڤێ پێشانگەھێ دا کەن و سەرەرایی ڤێ چەندێ گەلەک پرتووکخانێن پارێزگەھا دھۆکێ نوونەرێن پرتووکخانێن پارێزگەھێن ھەولێر و سلێمانیێ نە و دێ پرتووکێن وان د ڤێ پێشانگەھێ دا نیشادەن و گۆت: “ئەڤ پێشانگەھە دێ بۆ دەمێ حەفت رۆژان یا بەردەوام بیت و نێزیکی ١٥ ھزار ناڤونیشانێن پرتووکان ب ھەموو زمانان دێ تێداھێنە نیشادان و داشکاندن ژ ١٠% ھەتا ٥٠% بۆ کرینا پرتووکان دێ ھەبیت”.
