سری ساکیک خوە بۆ سەرۆکاتیا باژێرڤانیەکێ بەربژار دکەت
ئەڤرۆ نیۆز:
سری ساکیک هەڤسەرۆکێ بەرێ یێ باژێرڤانیا باژێرێ ئاگری یێ باکورێ کوردستانێ کو ب فەرمانا حوکمەتا تورکیا ژ کاری هاتبوو دوورخستن نها خوە بۆ هەڤسەرۆکاتیا باژێرڤانیا موشێ بەربژار دکەت.
سری ساکیک راگەهاند کو من ل باژێرێ ئاگری گەلەک کار کرن و دەولەتێ نەهێلا ئەز د خزمەتا خەلکێ خوە دا بەردەوام بم، لێ نها من دڤێت ل باژێرێ موشێ کو جهێ ژ دایکبوونا منە ئەز د ئەرکێ خوە دا بەردەوام بم و خزمەتا وەلاتیان بکەم.
سری ساکیک خەلکێ باژێرێ موشی یێ باکورێ کوردستانێ یە و بەری نها ئەندامێ پەرلەمانێ تورکیا بوویە و سالا ٢٠١٤ وەکو هەڤسەرۆکێ باژێرڤانیا باژێرێ ئاگری هاتە هەلبژارتن لێ پاشی ژ ئالیێ حوکمەتا تورکیا ڤە ژ کاری هاتە دوورخستن.