بھایێ فروتنا ئیسکوی بو مانچستەر بزانە
ئەڤرۆ نیوز:
دشیاندایە یانا ریال مەدرید یا ئسپانی یاریزانێ خوە یێ ھێلا ناڤین بفروشیتە یانا مانچستەر سێتی یا ئنگلیزی ھەکە کوژمەکێ مەزن یێ پارەی ھەمبەر وەرگریت.
ئیسکو ئالارکون ل شەڤا یاریا ریال مەدرید ھەمبەر سیسکا موسکو یا روسی کەفتە د شەرەدەڤەکێ دا ل ھەمبەر راھێنەرێ یانێ سانتیاگو سولاری بەری جەماوەرێ یانێ سفکاتیێ پێ بکەت و دژی وی گوتنان بێژن.
پشتی ڤان رودانان یانا مانچستەر سێتی نەخشە دانایە ژبو ڤەگوھاستنا ڤی یاریزانی و رەوشا دناڤبەرا وی و راھێنەری ب دەلیڤە دیتیە و ئێخستیە دناڤا لیستا خوە یا یاریزانێن داخوازکری بو ناڤا پێکھاتیێ یانا مانچستەر سێتی ل مێرکاتویا زڤستانێ.
ھەڤبەستا ئیسکوی دگەل یانا ریال مەدرید ھەتا 2022 یە، لێ بەندەک د ھەڤبەستێ دا ھەیە کو دشیان دایە ئەڤ ھەڤبەستە بھێتە ھەلوەشاندن ب کوژمێ 700 ملیون یورویان و ئەڤ بەندە بویە خالەک ب ھێز سەروکێ یانێ فلورنتینو پێرێز پاراستنێ ل سەر بکەت، لێ راپورتێن روژنامەڤانی ئاماژە دکەن کو یانا ئنگلیزی یا بەرھەڤە کوژمێ 80 ملیون جونەیھێن ئسترلینی بدەت پێخەمەت ب دەستڤە برنا شیانێن وی، لێ ریال یا دودلیە چو داخوازیەکێ ب کوژمێ 100 ملیون یورویان کێمتر قەبول بکەت.