ئەمریکا 30 پەنابەران ب زووری رەوانەیی عیراقێ دکەت
ئەڤرۆ نیوز:
رێکخراوا نێڤدەولەتی یا مافێن مرۆڤی (ھیومان رایتس وۆچ) ئاشکرا کر کو دەستھەلاتدارێن ئەمریکا 30 وەلاتیێن عیراقی ب زووری ھنارتنە وەلاتێ وان و ھێرشا زینداکرنا وان عیراقیان ژی دھێتەکرن یێن کو د بەرھەڤ نەبن ڤەگەڕن کو ھژمارا وان ھزار و 400 کەسە.
رێکخراوا ناڤھاتی د راپۆرتا خوە دا دیار کریە کو پشتی دونالد ترامپ سەرۆکێ ئەمریکا ل سالا 2017ێ بڕیارا ھنارتنا پەنابەران دای، حوکمەتا عیراقێ رازی نەبوو وان پەنابەران وەرگریت یێن کو ب زووری دھێنە ھنارتن، بەلێ پشتی ئەمریکا رێ ل وەلاتیێن حەفت وەلاتان بۆ د ناڤ ئەمریکا دا گرتی کو عیراق ژی ئێک ژ وان وەلاتان بوو، بەغدا بۆ نەھێلانا ناڤی د لیستا وان وەلاتان دا رازیبوو ب وەرگرتنا ھژمارەکا پەنابەرێن بێ ئیقامە.