چەند کەسان ل دھۆکێ ب روودانان گیانێ خوە ژ دەست دایە؟
ئەڤرۆ نیوز
رێڤەبەرێ گشتیێ ساخلەمیا پارێزگەھا دھۆکێ د پرێس كۆنفرانسه‌كى دا ب هه‌لكه‌فتا به‌رچاڤاكرنا چالاكيێن سالانه يێن وێ رێڤه‌به‌ريێ دیارکر کو بەربەلاڤترین رێژا مرنێ ل دەزگەھێن ساخلەمیێ یێن دەرەکی وەکو روودان و شەر و خەندقین ٩٤٤ کەس بووینە و ژئەگەرێ نەخوشیێن دلی و بوریکێن خوینێ ٨٥٩ مرینە و ٤٩٥ کەس ژی ژ ئەگەرێ نەخوشیێن مێشکی و جەلتا دلی مرینە و دیسا ٣٦٧ کەس ژ ئەگەرێ نەخوشیێن ڤەگر مرینە و گۆت: “ھەموو دەما ئەڤە د پلا ئێکێ دا دھات، بە لێ نوکە ل پلا چارێ یە و ئەڤە دەرئەنجامەکێ باشە”.
د. نزار عسمه‌ت زێده‌تر گۆت: “٣٠١ کەس ژ ئەگەرێ نەخۆشیێن کۆئەندامێ ھەناسێ و ٦٩ کەس ژی ژ ئەگەرێ نەخوشیێن پەنجەشێرێ و ١٠٩ زاروکێن بەر وەخت ژ ئەگەرێ ھەناسێ مرینە و ١٦٨ کەسا ژ ئەگەرێ نەخوشێن میزەرویا مرینە و ١٣٦ کەس ژ ئەگەرێ نەخوشیێن زکماکی مرینە و گۆت: ئەو نەخۆشێن ژ ئەگەرێ نەخۆشیێن کۆمادەمارا مرین ٦٦ کەس بوون و ١١٤ کەس ژی ژ ئەگەرێ سوتنێ مرینە و ١٨٠ کەس ژی ژ ئەگەرێ روودانێن ترومبێلا گیانێ خوە ژدەست دایە”.
