11 رۆژه تاخه‌ك بێ كاره‌با موه‌ليدان
ئه‌ڤرۆ نیوز، نه‌وزاد هلۆرى:
ئه‌ڤه نێزیكێ 11 روژایه كاره‌با موه‌لیدا یا تاخێ شه‌هیدان ل دێره‌لووكێ ژ كاركه‌فتى و هه‌تا نوكه نه‌هاتیه چێكرن و وه‌لاتى هێلاینه د تاریێ دا، وه‌لاتیه‌كێ وى تاخى ژى دیاركر كو وه‌رزێ ئێكێ یێ تاقیكرنان ده‌ست پێ كریه و قوتابى د تاریێ دا دخوونن.
سه‌گڤان به‌رگاره‌ى، وه‌لاتیه‌كێ ناحیا دێره‌لووك و تاخێ شه‌هیدایه بۆ ئه‌ڤرۆ نیوز گۆت: (ئه‌ڤه نێزیكێ 11 رۆژایه كاره‌با موه‌لیدان یا تاخێ مه ژ كاركه‌فتى و خودانێ موه‌لیده‌ى، موه‌ليده هنارتیه هه‌ولێرێ داكو دروست بكه‌ت ڤه، به‌لێ هه‌تا نوكه نه‌هاتیه چێكرن و ئه‌م هێلاینه د تاریێ دا).
زێده‌تر گۆت: (نوكه وه‌رزێ تاقیكرنان ده‌ست پێ كریه و هه‌موو قوتابیێن مه د تاریێ دا دخوون، ئێك ژ وان قوتابیان ئه‌زم و ل رێزا 12ێ دخوونم، ب راستى ژى دنوكه دا ره‌وشا مه ب شه‌ڤ زور نه‌خوشه و پرانیا ده‌مێ شه‌ڤێ كاره‌با نیشتمانى نینه و تارى یه).
