قه‌هوه هزرێن خوكوشتنێ كێم دكه‌ت
ئەڤرۆ نیوز:
ل دووڤ هنده‌ك ڤه‌كولینێن نوو یێن زانستی دیاردبیت كو قه‌هوێ كارتێكرنه‌كا تایبه‌ت ل سه‌ر ده‌روونیا مرۆڤان هه‌یه، هنده‌ك زانایێن نه‌ته‌وێن ئێكگرتی دیاركر كو قه‌هوه هاریكاره بۆ كێمكرنا هزرێن خوكوشتنێ.
دبیست سالێن بۆری دا زانایان حاله‌تێن 208404 كه‌سان خواندن و دیاربوو كو ڤه‌خوارنا 2-3 فنجانێن قه‌هوێ رۆژانه ب ئێكجاری هزرێن خوكوشتنێ ل ده‌ڤ مرۆڤی نامینن، زانا دیاردكه‌ن ژی كو راسته قه‌هوه رۆلێ رێبه‌ریێ دئینیت، هه‌ر ل وی ده‌می دوپات دكه‌ن كو ڤه‌خوارنا قه‌هوێ هاریكاره بۆ خوپاراستنێ ژ ته‌نگه‌زاریێن مێشكی. هه‌روه‌سا شاره‌زا ئاماژه ب وێ چه‌ندێ دده‌ن كو قه‌هوه كارتێكرنه‌كا تایبه‌ت ل ژنان دكه‌ت و كارتێكرنه‌ك بۆ چاره‌سه‌ریا خه‌موكیێ هه‌یه و دبێژن: بێی كو به‌رێخودانێ ل ئه‌نجامێن ڤه‌كولینێ بكه‌ین یا دیاره كو هه‌ڤبه‌ندیه‌كا بهێز هه‌یه دناڤبه‌را ڤه‌خوارنا قه‌هوێ و كێمكرنا مه‌ترسیا خوكوشتنێ، یا باشتره ل ده‌مێن خه‌موكیێ رۆژانه دو فنجانێن قه‌هوێ بهێنه زێده‌كرن و سه‌ره‌دانا نوشدارێ خوه یێ تایبه‌تمه‌ند بكه‌ن.
ژێدەر/ نۆش نیوز
