370 تانکەرێن شێخان دێ میننە بێ کار
ئەڤرۆ نیوز، بارزان مزووری:
سەرۆکێ لژنا سەندیکا کرێکارێن قەزا شێخان دیار کر کو ئەو ترومبێلێن بارھەلگر ژ جورێ تانکەر ل قەزا شێخان دگەل کومپانیێن ڤەگوھاستنا پەترۆلا خام کار دکەن کارێ وان بەر ب کێمبوونێ چوویە.
سەدیق حەجی ئەحمەد، سەرۆکێ لژنا سەندیکا کرێکارێن قەزا شێخان بۆ ئەڤرۆ نیوز گوت: ٣٧٠ ترومبێلێن بارھەلگر ژ جورێ تانکەر ل شێخان ئەڤە چەندین سالە کارێ ڤەگوھاستنا پەترۆلا خام دکەن ل کومپانیێن بەرھەم ئینانا پەترۆلێ سمریت و مغارا و بێسات، لێ نوکە کارێ وان بەر ب کێمبوونێ چوویە ژبەر دانانا بوریا سەرەکی یا ڤەگوھاستنا پەترۆلێ بۆ دەرڤەی ھەرێما کوردستانێ و گۆت: “ھەر وەختەکێ ئەڤ پرۆژە ب دووماھیک ھات ئەڤ ترومبێلە دێ ب ئێکجاری ژ کاری ھێنە لادان”.
