سوبه‌هى دێ چاره‌مین فیسته‌ڤالا نێڤده‌وله‌تى یا سینه‌مایێ یا دژى تیرۆرێ برێڤه چیت
ئه‌ڤرۆ نیوز ، زنار تۆڤى:
وه‌سا بریاره ل ده‌مژمێر 4 ئێڤاریا سوبه‌هى ئه‌ینیێ 1 شواتا 2019 د مه‌راسیمه‌كێ ژ هه‌ژیدا، چاره‌مین فیسته‌ڤالا سینه‌مایى یا دژى تیرۆرێ ل هۆلێن سینه‌ما ئیمپایه‌ر ل فاملى مۆل ده‌ست ب كارێن خوه بكه‌ت، هه‌روه‌سا نه‌ه خه‌لات دێ ل سه‌ر فلمێن كوردى هێنه دابه‌شكرن، یێن دى بۆ فلمێن بیانى و عیراقى نه، هه‌روه‌سا خه‌لاتێ بینه‌رى ژى دڤێ فیسته‌ڤالێ دا هه‌یه، د ئه‌ڤ ساله دا هنده‌ك فلم هه‌نه بۆ جارا ئێكێ دێ پشكداریێ د ڤێ فیسته‌ڤالێ دا كه‌ن، كو هژمارا وان ” 16″ فلمن و دێ هه‌ڤركیێ ل سه‌ر خه‌لاتێن فیسته‌ڤالێ كه‌ن، دیسا دێ نێزیكى 130 ده‌رهێنه‌ر و ئه‌كته‌ر و نڤیسه‌ر ژى پشكداریێ تێدا كه‌ن، دیسا پرانیا ده‌رهێه‌رێن فلمێن پشكدار دێ دڤێ فیسته‌ڤالێ دا به‌رهه‌ڤ بن، هه‌روه‌سا ناڤه‌رۆكا فلمان ل سه‌ر بابه‌تێن تیرۆرێ یه، دیسا هه‌تا نوكه د هه‌موو جیهانێ دا چ فیسته‌ڤالێن تایبه‌ت نه‌هاتینه ڤه‌كرن ل دژى تیرۆرێ، هه‌روه‌سا پرانسا ستافێ ڤێ فیسته‌ڤالێ خوه به‌خشانه كار دكه‌ن، هه‌روه‌سا دانانا ڤێ رۆژێ ژى بۆ ئیدانه‌كرنا وێ كریارا تیرۆرستى بوویه، یا كو ل سالا 2004 ل هه‌ولێرێ هاتیه روودان، كو تێدا چه‌ندین به‌رپرس و كادرێن پارتى و ئێكه‌تیێ شه‌هید و بریندار ببوون.
به‌رهه‌مهێنه‌ر و ده‌رهێنه‌رێ گه‌نج هاوكار مسته‌فا د دیداره‌كێ دا سه‌باره‌ت ڤێ فیسته‌ڤالێ بۆ ئه‌ڤرۆ نیوز دیاركر: فیسته‌ڤالانێڤده‌وله‌تى یا سینه‌مایێ یا دژى تیرۆرێ ل هه‌ولێرێ دێ ماوێ سێ رۆژان یا به‌رده‌وام بیت، هه‌وره‌سا “42” فلمێن كوردستانێ بیانى پشكدارى دڤێ فیسته‌ڤالێ دا كریه، كو فلمێن ئه‌نیمه‌یشن و دكیۆمێنتارى و كورته فلمن، دێ هه‌ڤركیێ ل سه‌ر “14” خه‌لاتێن جۆدا كه‌ن، هه‌روه‌سا د مه‌راسیمه‌كێ دا ل ده‌مژمێر شه‌شى ئێڤاریا رۆژا سییێ یا فیسته‌ڤالێ دێ خه‌لات ل سه‌ر سه‌ركه‌فتى دێ هێنه دابه‌شكرن.
