بێهنه‌كا نه‌خوه‌ش دێ ل هێڤيا لێڤه‌رپۆل بيت ل يارێگه‌ها مانشسته‌ر يونايتد
ئه‌ڤرۆنيوز:
يانا مانشسته‌ر يونايتد يا ئينگليزى بزاڤێن به‌رهه‌ڤكرنا ئه‌ردێ ياريگه‌ها خوه (ئولد ترافولد) دكه‌ت تاكو د ياريا چاڤه‌رێكرى يا سوباهى ل گه‌ل يانا لێڤه‌رپۆل دچارچۆڤێ گه‌را 27 ژ خۆلا ئينگليزى ب جوانترين شێوه‌ى ده‌ربكه‌ڤيت.
رۆژناما (سه‌ن) يا بريتانى به‌لاڤكر كو كارگێريا مانشسته‌ر يونايتد ل رۆژا ئه‌ينيێ ئاڤا سيرێ ل ئه‌ردێ ياريگه‌هێ كريه تاكو گيايێ وێ ب باشترين شێوه دا بيت.
رۆژناما ناڤبرى دياركر كو هه‌رچه‌نده ئاڤا سيرێ دێ گيايێ ياريگه‌هێ پارێزيت، به‌لێ دێ بێهنه‌كا نه‌خوه‌ش دناڤ ياريگه‌هێ دا به‌لاڤكه‌ت.
