كه‌شناسيا هه‌رێمێ ره‌وشا سه‌قايێ رۆژانێن نه‌ورۆز راگه‌هاند
ئه‌ڤرۆ نيوز:
كه‌شناسيا هه‌رێما كوردستانێ ره‌وشا سه‌قايێ هه‌رسێ رۆژێن جه‌ژنێ راگه‌هاند كو هه‌ردو رۆژێن ئێكێ دێ هنده‌ك ئه‌ورێن كێم بن و ل رۆژا سيێ ژى ده‌ليڤه‌كا كێم يا باران بارينێ هه‌يه.
پشكا پێشبنيان ل رێڤه‌به‌ريا گشتى يا سه‌قاناسى و بيڤه‌له‌رزێ ل هه‌رێما كوردستانێ راگه‌هاند كو ل رۆژا پێنجشه‌مبى 21ى ئادارا 2019ێ كو دبيته رۆژا ئێكێ يا جه‌ژنا نه‌ورۆزێ، سه‌قا دێ ساهى بيت ل گه‌ل هنده‌ك ئه‌ورێن كێم و هنده‌ك جاران ئه‌و ئه‌ور دێ پيچه‌كێ زێده بن.
ئاشكه‌را كريه ژى كو ل رۆژا ئه‌ينى 22ى ئادارێ ژى دێ هه‌ر سه‌قا ب وى ره‌نگى بيت و وان دو رۆژان پلێن گه‌رمێ ژى هه‌تا راده‌كى دێ بلند بن.
نه‌ڤه‌شارت ژى كو رۆژا شه‌مبى 23ى ئادارا 2019ێ كو دبيته رۆژا سيێ يا نه‌ورۆزێ، ئه‌سمان دێ ب گشتى ئه‌وره‌كێ ناڤه‌ندى بيت و ئه‌گه‌رێ باران بارينێ ل هنده‌ك ده‌مان هه‌يه ب ره‌نگه‌كێ كێم و ل ده‌ڤه‌رێن چيايى ئه‌و رێژا باران بارينێ دێ زێده‌تر بيت.
هه‌ر ب گۆره‌ى پێشبينيێن رێڤه‌به‌ريا گشتى يا سه‌قاناسى و بيڤه‌له‌رزێ ل هه‌رێما كوردستانێ سوبه‌هى رۆژا چارشه‌مبى 20ى ئادارا 2019ێ كو دبيتىه رۆژا ئاگر هه‌لكرنێ، سه‌قا دێ يێ ناڤه‌ندى بيت ل گه‌ل هنده‌ك ئه‌ورێن كێم ل ئه‌سمانى.
