رێباز حه‌ملان: دێ ده‌ست ب به‌لاڤكرنا مووچه‌ی كه‌ین
ئه‌ڤرۆ نیوز:
رێباز محه‌مه‌د حه‌ملان وه‌زیرێ دارایی و ئابووری یێ حوكمه‌تا هه‌رێما كوردستانێ د په‌یجێ خوه یێ تایبه‌ت دا ل تۆرا جڤاكی یا فه‌یسبووكێ راگه‌هاند، ل ده‌ستپێكا حه‌فتیا بهێت دێ ده‌ست ب به‌لاڤكرنا مووچێ ته‌مامێ هه‌یڤا ئێك یێ سالا 2019 یێ هه‌موو وه‌زاره‌ت و ده‌سته‌یان كه‌ین.
د پشكه‌كا دی یا نڤیسینا خوه دا رێباز حه‌ملان دبێژیت”: به‌لاڤكرنا مووچه‌ی د ده‌مێ خوه دا دێ یا به‌رده‌وام بیت، هه‌كه هنده‌ك لایه‌نێن كوردی وه‌كو پێشه‌یێ خوه یێ كه‌ڤن و نوو بزاڤا وێ چه‌ندێ نه‌كه‌ن كو ل به‌غدا مووچێ فه‌رمانبه‌رێن هه‌رێمێ ببڕن و مووچه و قووتێ خه‌لكێ كوردستانێ بكه‌نه د ناڤ كێشێن سیاسی دا، ب تنێ ژ به‌ر هندێ كو ئه‌و د دانوستاندنێن پێكئینانا كابینا نوو یا حوكمه‌تێ دا سه‌رنه‌كه‌فتینه، گۆپیتكا بێ رێزی و شه‌رمزاریێ یه كو ژ به‌ر وێ یه‌كێ ل هه‌رێمێ حساب بۆ ته نه‌هێته كرن، تو ده‌ست ب به‌لاڤكرنا به‌هانه و ئازراندنا خه‌لكی بكه‌ی بۆ نه‌هنارتنا مووچه‌ی ژ به‌غدا، ئه‌ڤه د ده‌مه‌كی دا كو ئه‌و نیازه ل ده‌ڤ به‌غدا نینه”.
ده‌قێ نڤیسینا وه‌زیرێ دارایی
