په‌یامه‌كا گرنگ ژ وه‌زاره‌تا دارایى یا عیراقێ
ئه‌ڤرۆ نیوز:
وه‌زاره‌تا دارایى ل عیراقێ ب فه‌رمى دووپاتى ل پێگیریا خوه ب هه‌موو برگه ومادێن قانوونا بودجا 2019 یا عیراقێ كر.
وه‌زاره‌تا دارایى یا عیراقێ دپه‌یامه‌كا رۆژنامه‌ڤانى دا كو ژلایێ نڤیسینگه‌ها راگه‌هاندنا وه‌زاره‌تا ناڤبرى ڤه هاتیه ده‌ركرن، پێگیریا خوه ب بجهئینانا برگێن قانوونا بودجا 2019 یا عیراقێ دووپات دكه‌ت، هه‌ڤده‌م داخوازا هه‌ماهه‌نگیا تمام ل گه‌ل وه‌زاره‌تا پلاندانانێ كریه بۆ تمامكرنا لیستا پرۆژێن وه‌به‌رهێنانێ تاكو بێ گیروبوون بودجه بۆ بهێته ته‌رخانكرن.
ئه‌ڤه د ده‌مه‌كى دایه كو چه‌ند په‌رله‌مانتارێن فراكسیۆنا ئێكه‌تى نیشتمانى كوردستان بانگه‌شا وێ چه‌ندێ دكر كو ئه‌گه‌ر یێ هه‌ى به‌غدا ژ قانوونا بودجا 2019 یا عیراقێ وهنارتنا مووچه‌ى بۆ فه‌رمانبه‌رێن هه‌رێما كوردستانێ په‌شێمان ببیت.
