پارێزگه‌ها دهۆكێ به‌رهه‌ڤیێن پێشوه‌خت بۆ پرۆژێن خزمه‌تكارى دکەت
ئەڤرۆ نیوز:
ئه‌ڤرو پشتى نیڤرو 28-3-2019 فه‌رهاد ئه‌مین ئه‌تروشى پارێزگه‌رێ دهوكێ سه‌رپه‌رشتیا كومبونه‌كا تایبه‌ت كر دگه‌ل هه‌ردوو جێگرێن پارێزگه‌رى وهاریكارێ پارێزگه‌رى بو كاروبارێن مروڤایه‌تى وقایمقام ورێڤه‌به‌رێن گشتى وچه‌ند رێڤه‌به‌رێن فه‌رمانگه‌هێن خزمه‌تكارى.
دكومبونێدا پارێزگه‌رێ دهوكێ ئاماژه دا نوترین پێشهاتێن سیاسى ل هه‌رێما كوردستانێ وهه‌ول وبزاڤێن دهێنه كرن بو پێك ئینانا حكومه‌تا نوو یا هه‌رێما كوردستانێ كو دهێته چاڤه‌رێكرن ل دوماهیا مه‌ها نیسانێ بهێته ئاڤاكرن.
هه‌روه‌سا پارێزگه‌رێ دهوكێ به‌حسێ په‌سه‌ندكرنا بودجا ئیراقێ وجێگیركرنا پشكا هه‌رێما كوردستانێ ژموچه‌ى وبودجا گه‌شه‌پێدانێ كر وته‌كه‌زكر كو دڤێت هه‌ر ژنوكه فه‌رمانگه‌هێن خزمه‌تكارى ویێن په‌یوه‌ندیدار خوبه‌رهه‌ڤكه‌ن وپلان وپروژێن فه‌ر وخزمه‌تكارى یێن گریداى ب ژیانا روژانه یا وه‌لاتیانڤه ده‌ست نیشانكه‌ن وده‌مێ بودجه دهێته هنارتن كار وپروژه پێ بهێنه ئه‌نجامدان وژپشكدارێن كومبونێ خواست هه‌موو به‌رهه‌ڤیا بو وێ پلانێ هه‌روه‌سا بو بودجا وه‌زاره‌تا بكه‌ن كو دهێته چاڤه‌رێكرن ل مه‌ها شه‌ش یا ئه‌ڤ ساله كار پێ بهێته كرن.
دته‌وه‌ره‌كێ دن دا ته‌كه‌زیى ل سه‌ر پێگریكرنا فه‌رمانبه‌ران ب ده‌واما فه‌رمى كر تایبه‌تى پشتى برینا پاشكه‌وتى ژى نه‌ماى ، هه‌روه‌سا ته‌كه‌زى ل سه‌ر نه‌هێلانا دیاردا خازخازوكیێ ل سه‌ر جادا وجهێن گشتى هاته كرن.
پاش گه‌نگه‌شێن تێر وته‌سه‌ل ژلایێ پشكدارێن كومبونێ ل سه‌ر هه‌موو بابه‌تان هاتنه كرن.
