ئهوا ل بن بهڕێ دێ ههر هێته سهر بهڕێ!
شهوكهت ئامێدی/ سوید
بهرێزین باب و كالان ژ قهستان، ئهڤ پهیڤ و گۆتنێن وهك بنیاتهكێ خورستێ ژ بۆ بیركرن و چارهسهرێن زۆربهی زۆری، كێشه و سهرهدهریێن جڤاكی.
ههر وهك نهریت ههمی دزانیت د زۆربهی جڤاكان دا، زۆرینه یا ئازاده ل گهل چ لایانهكی یان پارتهكێ دهسههلاتێ دروست بكهت. پشتی سهرۆكێ ئهمریكا جولان ب فهرمی ب ئاخا ئسرائیلی دا ناسین و ئیرانێ خوه بێدهنگكر، ئهمریكا هێزێن سۆپایێ قودس و قاسم سولهیمانی ب تێرورست دانه نیاسكرن، ههر وهسا گهفێن سهرۆكێ ئهمریكا ل سهر ئیرانێ و گڤاشتنا وی ژ لایێ ئیكۆنۆمیڤه. بهلێ پشتگیریا ئیرانێ ژ لایێ ڕۆسیا و پاكستان و توركیا و چهند وهڵاتێن دیڤه. ئهڤه ژی بسهرنهكهفت، پشتی ئهمریكا بڕیار دا، پشتی دووێ ههیڤا دهێت (٠٢-٠٥) نابیت، كهس نهفت و غاز و بازرگانیێ ل گهل ئیرانێ بكه. ژ لایهكێ دیڤه كوته توركیا تو گاز و غازان ژ ههرێما كوردستانا باشوور بكره و عیراق ژی ژ سعوودیێ. (توركیا زهێدتر ژ70 ژ سهدێ غاز و گازان ژ ئیرانێ دكریت)
ئیرانێ پلانهكا دۆزهخی دانا ئهگهر سهر بگریت. ههم یا د خێرا توركیا دا ههم ئیرانێ ب خوه. ئهوژی وهنهكهت پاڵهكێ پارتهكا كوردی ل باشووری ل گهل پارتی دیمۆكراتی كوردستان حوكمهتێ دروست بكهن و ههر جارهكێ ب مههانهكێ و داخوازیهكێ. د ههمان دهمدا ئهڤ داخوازیه ڕاستهوخوه یان نه ڕاستهخوه یا ژ بزاڤا گۆران ژی كری. لێ بزاڤا گۆڕان ب وێرانه كێشه و بهرژهوهندیێن مللهت و وهڵاتی خستنه بهری ههر تشتهكی. ههروهسا ههمی سهركردایهتیا ئێكهتی یا ب ڤان ئالۆزیان و درێژكرنا نه دروستكرنا حوكمهتێ نینن!
بۆچی ئیرانێ نهڤێت حوكمهت دروست ببیت و ئێكهتی ههمی یان باڵهك ل دهرڤه بمینیت، ب تایبهت باڵێ چهكدار. دا زوو یان ل دو پێدڤی شهرهك و پێكدادانهكێ ل ههرێمی دروست بكهن. دا توركیا ئهو عوزره د دهستدا بیت و ب بێته ئهمریكا. ئهزا ئامادهنینم نهفت و غازا ژ ههرێمهكا نه سهقامگیر بكرم. یا باش ئهوه ههر ژ ئیرانێ بكرم.
ل ڤێره ئهز سۆپاسیا پارتی وبزاڤا گوران دكهم ههتا نوكه ل سهر ڤێ بێهن فرههیا وان ل گهل برایێن ئێكهتی. لهوما پێدڤیه ههمی ب پێكڤه پاسهوان بن و ئهڤ پلانا قڕێژی سهر نهگریت. ئهگهر نه ئهوێ د ههر شهرهكیدا ببهته ڤه ئهو ژ ههمیان مهزنتر یێ دوڕا و زهرهرمهنده. بهلێ ئهگهر بیر وبۆچوون د ڕهش بن و د خزمهتا مللهتی دا نهبن. حوكمهتێ ژی دروست بكهن. وهك 1996 بێ بهرپرسایهتی و دوور ژ ههمی ڕێز و بهایێن مرۆڤانی. دێ تێكدهنهڤه. ئومێدهوارم ئهو ڕۆژێن ڕهش و تاری نه بینینهڤه.
تێبینی بۆ زانین نه ئهمریكا نه ئهوڕپا قهد حهزناكهن ئیران ب ههمیڤه تێك بچیت. چونكی پاشی دێ كرینا چهكی ژ لایێ سعوودیێ و كهنداڤى ڤه هێته ڕاوهستاندن، چونكو چو ترسهك ل سهروان نامینیت ژ لایێ ئیرانێ ڤه!
