دڤێت هه‌موو هێزێن نها ل بن ئێك قانوون بهێنه خرڤه‌كرن
محسن سه‌عدون ئه‌ندامی لژنا قانوونى ل جڤاتا نوونه‌رێن عیراقێ بۆ ئه‌ڤرۆ نیوز راگه‌هاند: حه‌یده‌ر عه‌بادی سه‌رۆك وه‌زیرێ عیراقێ د داخویانیێن خوه دا دیاركر بوو كو دڤێت سه‌رهلدانه‌كا عه‌شائیری دروست ببيت و پشته‌ڤانیا هه‌ر جوره‌كێ هوسا دكه‌ین و ئه‌ڤه ل ده‌مه‌كی دایه كو ل ده‌مێ ته‌نگاڤیێ و نه‌هێلانا تیرۆرێ حكومه‌تا عیراقێ هه‌موو تشته‌ك بكار ئینایه مینا هێزین عه‌شائیری و حه‌شه‌د شه‌عبی یێن شیعی و چه‌ندین جورێن دی لێ ل گوری قانوونێ ئه‌و هه‌موو هێزه نه د قانوونێ دانه، دڤێت ل گوری قوونانێ هێزا نیشتمانی بهێته رێكخستن.
ئه‌ندام په‌رله‌مانێ عیراقێ ئه‌و چه‌نده ژی دیاركر كو نها ل جڤاتا وه‌زیران مژوولی دارشتنا قانوونا هێزێن نیشتمانی نه كو ل هه‌ر پارێزگه‌هه‌كێ هێزه‌كا نیشتمانیا ژ خه‌لكێ ئه‌وێ پارێزگه‌هێ بیت و چاڤه‌ریێ هاتنا ئه‌وێ قانوونێ نه و ل هه‌رده‌ما هات ئه‌و هه‌موو هێزێن هه‌ین دێ هێنه رێكخستن بۆ بن ئیك سه‌يوان ئه‌و ژی هێزا نیشتمانی یه.
