سيستانى ئيران بێ ئومێد كر
ئه‌ڤرۆ نيوز:
رۆژا دوشه‌مبى 27ى گۆلانا 2019ێ محه‌مه‌د جه‌واد زه‌ريف، وه‌زيرێ ژ ده‌رڤه يێ ئيرانێ پشتى سێ شه‌ڤان مايه ل به‌غدا، پايته‌ختێ عيراقێ بجهـ هێلا و ڤه‌گه‌ريا ته‌هرانێ، چونكو نه‌شيا ل گه‌ل عه‌لى سيستانى مه‌زنه مه‌رجه‌عێ شيعان ببينيت و ديدارێ ل گه‌ل ئه‌نجام بده‌ت.
بڕيار بوو زه‌ريف ل به‌غدا به‌ر ب نه‌جه‌ف بچيت و چاڤ ب سيستانى بكه‌ڤيت، به‌لێ ل دووماهى ئه‌و ديداره نه‌هاته كرن و ژ نشكه‌كێ ڤه ژ به‌رنامێ كارى وى هاته لادان.
شرۆڤه‌كار و چاڤدێرێن سياسى ئه‌گه‌رى بۆ وێ چه‌ندێ دڤه‌گه‌رينن كو مه‌زنه مه‌رجه‌عێ شيعان ل نه‌جه‌ف بزاڤێ دكه‌ت خوه ژ ئالوزيێن ناڤبه‌را ئيران و ئه‌مريكا بده‌ته پاش.