پارێزگه‌رێ دهۆكێ سه‌رسالا رۆژناما ئه‌ڤرۆ پیرۆز دكه‌ت
ئەڤرۆ نیوز:
ب هه‌لكه‌فتا هه‌لكرنا شه‌مالكا 17ێ یا رۆژما ئه‌ڤرۆ ب ناڤێ كارگێریا پارێزگه‌ها دهۆكێ پیرۆزباهیێ ل سه‌رنڤیسه‌ر و ده‌سته‌یا نڤێسینێ و هه‌موو ستافێ كاری یێ رۆژنامێ خوانده‌ڤانێن هێژا دكه‌ین.
رۆژناما ئه‌ڤرۆ شیایه ل سالێن بوری خۆ ل هه‌موو بزاڤ و چالاكیێن سیاسی، ره‌وشه‌نبیری جڤاكی و ئابووری یێن ده‌ڤه‌را بادینان و هه‌رێما كوردستانێ ب گشتى بكه‌ته خودان و بابه‌تێن ره‌خنه‌یی ژی بیاڤه‌كێ باش دبه‌رپه‌رێن وێ دا بخوڤه گرتیه كو گه‌له‌ك ژ وان ره‌خنه‌یان ئاڤاكه‌ر و هاریكار و هانده‌ر بووینه بۆ راستڤه‌كرنا شاشی و كێماسیان بۆ هندێ خزمه‌ته‌كا باشتر بۆ وه‌لاتیان د هه‌موو واران بهێته كرن.
سه‌ركه‌فتنێ بۆ هه‌موو ستافێ ئه‌ڤرۆ دخوازم و دوباره ل هه‌وه پیرۆز بیت
فه‌رهاد ئه‌مین ئه‌ترووشی
پارێزگه‌رێ دهۆكێ
