ب وێنه.. كۆگەهەکا دەرمانێن قەچاخ هاتە گرتن
ئه‌ڤرۆ نیوز:
لژنا دووفچوونا دەرمانان ب سەرۆکاتیا جەهوەر عەلی قایمقامێ قەزا دهۆکێ ئەڤرۆ پێنجشه‌مبى ۲۰۱۹/۹/٥ ل تاخێ شێلێ ل باژێرێ دهۆکێ كۆگەهەکا دەرمانێین قەچاخ گرت.
جەهوەر عەلی، قایمقامێ قەزا دهۆکێ دیاركر كو ئەڤە دەمەکە پشکا ئابوری ل ئاسایشا دهۆکێ دووفچوونا كۆگەهەکا دەرمانان دکەت کو جهەکێ نەگونجای وهێژایە وچو رێنمایێن لژنێ تێدا نەبوون وگۆت” د ڤێ كۆگەهێ دا چەندین جۆرێن دەرمانان هەبوون كو پتریا وان ب رێیێن قەچاخ ونە قانوونی هاتینه ود قەدەغەکرینە و ئیناینە ودفرۆشتە دەرمانخانان”.
قایمقامێ قەزا دهۆکێ دیارکر” دێ خودانێ كۆگەهێ هێتە رەوانەکرن بۆ دادگەهێ وپێرابونیێن قانوونى دێ د دەرهەق دا هێنە وەرگرتن”.
