سائيرۆن و نه‌سر داخوازا لێپرسينێ ل گه‌ل عه‌بدولمه‌هدى دكه‌ن
ئه‌ڤرۆ نيوز:
نه‌رازيبوونێن دژى مانا سه‌رۆك وه‌زيرێن عيراقێ د به‌رده‌وامن، هه‌ردو فراكسيۆنێن سائيرۆن و نه‌سر داخوازا لێپرسينێ ل گه‌ل عادل عه‌بدولمه‌هدى سه‌رۆك وه‌زيرێن عيراقێ دكه‌ن و ديار دكه‌ن كو ئه‌وى حه‌فتيه‌ك ل پێشه بچيته جڤاتا نوونه‌ران و د روونشته‌كێ دا، به‌رپرسڤا پرسيارێن نوونه‌ران بده‌ت.
زێده‌ترى حه‌فتيه‌كێ يه، خۆنيشاندانان پتريا پارێزگه‌هێن عيراقێ ڤه‌گرتينه و تێدا داخوازا هه‌لوه‌شاندنا حوكمه‌تا عيراقێ و جڤاتا نوونه‌ران دكه‌ن.
سه‌رۆكێ جڤاتا نوونه‌ران ب نڤيساره‌كا فه‌رمى داخواز ژ عادل عه‌بدولمه‌هدى سه‌رۆك وه‌زيرێن عيراقێ كريه كو ئاماده‌يى ئێك ژ روونشتنێن جڤاتا نوونه‌ران ببيت و به‌رسڤا پرسيارێن وان بده‌ت، به‌لێ هێشتا ره‌زامه‌ندى ده‌رنه‌بڕيه.
