د دو روودانان دا چار كه‌سان گيانێ خوه ژ ده‌ست دا
ئەڤرۆنیوز،سەباح زوهێر:
حسێن هێرش نوبەدارێ کارگێری ل نەخۆشخانا هەوارهاتنێ ل ئاكرێ بۆ ئەڤرۆنیوز دیارکر کو ئەڤرۆ دەمێ رۆژئاڤابوونێ دو رویدان دروست بووینە كو تێدا چار کەسان گیانێ خوه ژ دەست دایە.
ناڤهاتی گۆت ژی ئێک ژ وان رویدانان ل گوندێ دیناران ل ناحيا رۆڤيا دروست بوویە د ناڤبەرا دو ترمبێلاندا کو ئێک یا دهۆک بوویە و ئێک یا ئاکرێ هەر ئێک ژوان سێ کەس تێدابووینە و هەرسێ كه‌سێن ئاکرێ گیانێ خوه ژدەست دایە کو هەرسێ ژ ئێک خێزان بوون ،ئەوژی( کاروان یاسین ۲٥سالی و محمد کاروان ٤سالی و ڤمان جعفر ۲۲سالی) ، هەرسێ کەسێن د ترومبێلا دى دا برینداربووینە.
ئاماژە دا وێ چەندێ ژی کو روودانا دی ل چەمەی دروست بوویە کو ئێک کەس د ترومبێلێ دابوو كو گیانێ خۆ ژ دەست دایە وخەلکێ روژئاڤایە و ئاكنجيێ شەقلاوە بوو.
