ديدارا ئاشتى و ئاسايشا رۆژهه‌لاتا ناڤه‌راست ل دهۆكێ ده‌ست ب كارێن خوه كر
ئه‌ڤرۆ نيوز، نيوار محه‌مه‌د سه‌ليم:
ئه‌ڤرۆ زانكۆيا ئه‌مريكى ل دهۆك كارێن ديدارا “ئاشتى و ئاسايشا رۆژهه‌لاتا ناڤه‌راست” ده‌ست ب كارێن خوه كر، هه‌ر ئێك ژ نێچيرڤان بارزنى سه‌رۆكێ هه‌رێما كوردستانێ و مه‌سرور بارزانى سه‌رۆكێ حوكمه‌تا هه‌رێما كوردستانێ ژى دێ گۆتار و په‌نه‌ل هه‌بن. هه‌ر د ڤێ ديدارێ دا، چه‌ندين كه‌ساتيێن ناڤدارێن ناڤخۆ و ده‌رڤه دێ پشكدار بن كو شاره‌زايێن وارێن سياسى و ئاسايشێ نه.
د رۆژا ئێكێ يا كارێن ديدارێ دا، ئه‌ڤرۆ رۆژا سێشه‌مبى 19ى چريا دويێ 2019 هه‌ر ئێك ژ قوباد ته‌له‌بانى، جێگرێ سه‌رۆك وه‌زيرێن هه‌رێمێ و فه‌وزى حه‌ريرى، سه‌رۆكێ ديوانا سه‌رۆكاتيا هه‌رێمێ و بێرنارد كۆشنه‌ر، وه‌زيرێ به‌رێ يێ ده‌رڤه يێ فره‌نسا د په‌نه‌له‌كێ دا به‌حس ل په‌يوه‌نديێن ناڤبه‌را حوكمرانيا باش و ئاشتيا ده‌ڤه‌رێ كه‌ن و پاشان ژى دێ چار ورك شوپ ب رێڤه چن.
د رۆژا دويێ يا ديدارێ دا، دێ چه‌ند په‌نه‌له‌ك ب رێڤه چن و ژ وان ژى د ده‌ستپێكا كاران دا، نێچيرڤان بارزانى دێ گۆتاره‌كێ پێش كێش كه‌ت.
